《東張》主持被認錯袁嘉敏 阮嘉敏感無奈：唔同Style

三級片《鴨王》女主角袁嘉敏近日再度成為城中熱話，日前公開炮轟鍾培生父子，網民食到一地花生殼，但想不到跟袁嘉敏同名的《東張西望》主持阮嘉敏（Mandy）躺著也中槍，無端端被拖落水。

昨日（2日）有網民踩入Mandy的IG Po留言指摘：「原來你都畀鍾培生包養過，Mandy亦有高EQ回覆：「你好，留意番，我係姓『阮』」。Mandy今日接受《頭條娛樂》訪問，指自己無嬲，只是感到無奈，她說：「啲人好易撈亂"袁"同"阮"，我都即刻覆番佢，我姓阮架！又有人直接Inbox我話：『我對係好失望。』我心諗：『我對你仲失望呀。』可能啲網民就咁望到個名先搞錯，因為袁同阮個音都似，我諗如果睇埋啲相唔會搞錯啩，大家都唔同style?」。Mandy表示好小事：「大家笑下咪算，但你哋笑完要認番啱。」Mandy又透露曾收過變態Message問價，刪除訊息便算。

更多第5波疫情資訊，請到以下專頁瀏覽按此

立即下載 | 全新《星島頭條》APP: https://bit.ly/3yLrgYZ