炎明熹（Gigi）去年中開始因合約問題，有傳遭TVB雪藏至今，甚少公開露面。Gigi今晚（4日）罕有現身出席姜皓文（黑哥）監製及主演的賀歲片《哈哈哈新年喜戲》舉行首映，由於二人曾經在電視劇《青春本我》飾演父女，身為「女兒」當然要現力支持，原來今次亦是她首度入場看賀歲片。
炎明熹自去年起遭TVB雪藏，新年期間曾經回鄉拜年，今晚（4日）Gigi身穿紅衣由姑丈陪同下出席，雖然未有出席儀式及接受訪問，但都親自到戲院打卡及跟「黑爸」合照。炎明熹見到「黑爸」個紙牌，忍不住要錫一啖。其後她表示：「非常開心，非常熱鬧，祝大家身體健康﹑新年快樂，祝「黑爸」電影票房大賣，同埋今次我係第一次睇賀歲片，希望一陣入到去好好享受。」被問到是否「黑爸」開聲後立即到場支持？她說︰「無錯，呢個係必須！」