陳豪及袁偉豪主持的飲食節目《豪遊咖啡》昨晚（28日）播出第5集，兩人先後探索銅鑼灣、大坑及北角的咖啡店，袁偉豪更帶埋好友姜皓文（黑仔）到訪葉泓聲（Gordon）開設的星級咖啡店。Gordon感激袁偉豪教他冲了人生第一杯手冲咖啡，從而開啟其咖啡生意之路。
姜皓文在節目中分享飲啡習慣及暢談夫妻之日常，他自爆每次開工均以黑啡代水，由於飲即冲咖啡會心跳加速及冒汗，因此會即場磨豆自製。談到近年身形愈來愈弗，年屆56歲的姜皓文公開飲食餐單︰「我每朝都會飲咖啡、食雞蛋同番薯，有時仲會將焗番薯浸落咖啡度食，我覺得呢兩樣嘢非常之夾，但唔知咁樣係咪可以Keep弗。」他說日常飲食由太太殷寧負責，對方也愛飲咖啡，因此兩人會趁空閒時拍拖歎咖啡。拍攝當日，姜皓文特意學整3D咖啡𧨾老婆，卻有點雞手鴨腳，最後不慎將3D圖摧毁。
《豪遊咖啡》最後一集將於後日（周六）播出，壓軸嘉賓是陳豪太太陳茵媺。
（即時娛樂）
