『仍想有你俾最後一次擁抱我』- 微電影
一直想為呢件事拍一條微電影，而眼見身邊咁多人面對緊未曾遇過既難關，每日可能每刻都係心靈上折磨。面對可能沒明天，唔係一般人可以承受得到嘅壓力。就決定要借一條微電影去提醒大家，呢班人付出過嘅，請唔好忘記佢地，亦希望你地去關心下佢地，可能請佢飲包野，食粒糖咁，少少嘅關懷都應該好甜，好似係haha。於是就寫咗呢個劇本出嚟。
故事可能寫得個年輕人比較懦弱，但人何嘗唔係多顧慮，夜晚靜落黎，邊個未試過懦弱傷感？但同理心、信念會迫出你嘅勇氣，去為你覺得正確嘅事搏一鋪。
開始嘅時候我地都會怕，怕呢條微電影太直接會對自己未來發展有咩影響，始終仲有好多事想做未做，例如出現係電視機、電影銀幕入面，當有啲事可能會阻礙你夢想，你就會怕。所以劇本寫成澳洲山火，如果覺得動物未能夠令你有共嗚，你可以試試改代入一班年輕人，可能你就會感受到，甚至知道佢地困住係邊到。可以話呢條係香港人先睇得明嘅微電影。
仍想有你，俾最後一次擁抱我。
▼ Follow快樂兒窮 HappyPoorKids
YouTube: https://www.youtube.com/channel/UCgZnMJ3Aj92Ff_u85NjQKgg
Facebook: https://www.facebook.com/%E5%BF%AB%E6%A8%82%E5%85%92%E7%AA%AE-Happypoorkids-109028963996043/
Instagram: https://www.instagram.com/happypoorkids/?hl=zh-tw
