二十大過江龍日本拉麵！竟然連紅爆香港嘅一蘭都係得第三名？

日本拉麵，港人最愛

香港人，最愛去邊個地方玩？相信大家都識得答，唔係歐美，唔係台灣，而係日本！日本有咩咁好？有禮貌，有文化，多靚女靚仔囉。日本，最吸引香港人嘅地方，都唔係以上呢幾點。正所謂民以食為天，香港人咁有錢，講求係識飲識食嘅生活品味。如果我哋留意返香港人出國哋地方，日本一直以嚟都係名列前矛，皆因日本太多好嘢食，令人留連回味再三。魚生、炸天婦蘿、生蠔、拉麵！日本無得成日去，但日本直接嚟咗香港開店，等緊大家食！今日就等DailyView用大數據話畀大家知，日本二十大到香港開店嘅拉麵店係邊間喇！

DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。

image source:

image source:

10 麵鮮醬油房 周月

——米芝蓮6年推薦

嚟自日本四國愛媛縣嘅「麵鮮醬油房 周月」，顧名思義係用鮮製嘅麵條同醬油湯汁做為主打嘅沾麵、拉麵專門店。麵鮮醬油房 周月喺2012年殺入香港，沾麵文化都係呢間店一手引進，麵嘅湯底係由依自家食譜研發出嚟，各種材料加埋雞湯慢煮半小時。其中銅鑼灣仲推出午市套餐，只要59蚊就可以食到沾麵。米芝蓮由2014到2019年，都推薦呢間麵店，真係好有實力！

image source:FB/麵鮮醬油房 周月 Shugetsu

9 金田家 かなだ家

——香港開店5周年

「金田家 かなだ家」日本拉麵店，嚟自日本九州地區，已經開設咗4間分店！金田家 かなだ家用心經營，今年迎嚟開店5周年，推出咗好多回饋香港客人嘅活動。早前8月20號，仲搞咗個感謝祭大抽獎，金田 大將為咗答謝香港fans5年來嘅支持，拍埋影片，仲有獎品。近日推出88蚊拉麵，黑松露慢煮叉燒拉麵、西班牙風番茄海鮮湯拉麵同地雞濃白湯拉麵，大家不妨一食。

image source:FB/金田家 かなだ家 HK

8 神虎麵商店

——肥美湯底

日本大板嘅「神虎麵商店」，唔同之前另一間「神虎拉麵」，呢間係名正言順由日本開設喺香港嘅分店。日本師傅主理，除咗有元虎（普通豬骨湯底）、黑虎（黑蒜油豬骨）同赤虎（辣味豬骨湯）外，香港地區仲推出埋櫻花蝦麵豉拉麵，值得愛好新口味嘅朋友一食。入面嘅小食都好出名，神虎炸雞塊更係當中嘅表表者。最近仲有廣島蠔沾麵限定，各位同好要食就快喇！

image source:FB/神虎麺商店 Kamitora Tonkotsu

7 我武者羅

——食與健康

「我武者羅 Gamushara」，嚟自東京涉谷幡ケ谷，社長蓮沼 司喺2005年創立。蓮沼先生一生都堅守「要在味道與健康之間尋找絕佳平衡」嘅飲食創作宗旨，其中「生姜醬油拉麵」正係佢最知名嘅作品。「我武者羅」曾經參與日本電視飲食節目「東京拉麵激戰區」，取得第一位嘅榮譽，證明咗佢喺咁多對手之中殺出重圍！2019年，我武者羅走入香港，只為將食與健康送畀我哋。

image source:FB/Gamushara 我武者羅

6 鬼金棒

——世界最辣

日本東京知名麵店「鬼金棒 Kikanbo」，呢間東京過江龍，由異地到香港嘅味道，始終如一。店內所有細節都經由日本社長三浦正和 (Masakazu Miura) 嚴格規管，力求做到完美。鬼金棒最出名嘅係一個字，辣。佢主打麻辣味噌拉麵，一共有5款辣度，最勁嘅仲要用埋世界最辣嘅「千里達毒蠍布奇椒」製成湯底，勁過咩譚仔特辣多多聲！如果你係鍾意食辣，呢間日本拉麵店，必食。

image source:FB/鬼金棒香港 Kikanbo Hong Kong

5 一幻拉麵

——甜蝦湯底

日本札幌名物「一幻拉麵 Ebisoba Ichigen」，2009年由總店長林直樹先生 (Mr Naoki Hayashi) 創立。呢間麵店主打香稠濃郁嘅甜蝦湯底，好快就令全日本國民成為俘虜，各國嘅旅客都因為佢而慕名而來，開業短短幾年已經成為日本札幌名店之一，喺海外設立多間分店。特濃蝦汁叉燒拌麵、鹽味蝦湯粗麵、蝦味飯糰、一幻叉燒飯，全部都係多人力薦必食，鍾意蝦嘅香港人最愛。

image source:FB/一幻拉麵 Ebisoba Ichigen Hong Kong

4 霸嗎拉麵

——登陸4周年

「霸嗎拉麵 Bari-Uma」，號稱廣島最強濃厚拉麵，喺香港一共開設咗5間分店，大受港人歡迎。早前霸嗎拉麵仲搞咗「霸王餐PK賽」，2人一組，30分鐘內要完成一碗霸王拉麵，霸王拉麵碗直徑達35.56cm，份量是正常嘅4倍，引起網民熱議。今年係佢喺香港4周年，仲有慶祝活動，「4蚊啤一啤」，即係食一份正價拉麵，就可以用優惠價$4換購札幌Sapporo生啤一樽，真係抵！

image source:FB/霸嗎拉麵 Bari-Uma

3 一蘭拉麵

——天然豚骨拉麵

萬眾期待嘅日本超人氣拉麵店「一蘭拉麵」，不久前全球首間海外分店選擇喺香港開設，即時引起網民熱議。一蘭拉麵最初開店，香港人為咗一嚐美食，仲要大排長龍，上埋報紙。一蘭拉麵主打正宗嘅天然豚骨拉麵，同時又希望將整個一蘭拉麵嘅體驗帶畀香港人，等香港食客可以置身日本一蘭店咁。咁多香港人食完都致力讚，你又食過未呢？喺冬日之中食吓一蘭拉麵，正！

image source:FB/天然豚骨拉麵專門店 一蘭〈香港〉

2 一風堂

——潮流先鋒

嚟自日本九州福岡博多嘅麵店「一風堂」，由享譽國際嘅神級拉麵大王河原成美(Shigemi Kawahara) 創辦，目前係日本分店超過60間！創辦人河原成美曾喺TV Tokyo製作嘅「TV Champion – 拉麵職業選手錦標賽」連續贏得三屆冠軍，2005年榮獲「拉麵大王」嘅美譽，已經係殿堂級席位喇。而一風堂以顏色命區分湯底 – 赤丸新味及白丸元味，更係首開先河。一風堂認真把炮！

image source:FB/Ippudo HK 一風堂 (香港)

1 座銀 Zagin Soba

——中高檔路線

日本知名麵店「座銀 Zagin Soba」，嚟自大阪嘅座銀主打雞白湯拉麵，仲有沾麵發售，湯底係用原隻雞高溫長時間熬製，奶白色嘅清澈，絕不油膩，味道仲要好濃郁。佢哋將雞白湯打成輕盈泡沫，入口更感細滑。拉麵係用粗身方形麵，帶點煙韌，同濃稠嘅雞白湯配合得相當好。最近仲推出咗限定限量嘅炙燒鴨肉舞茸拉麵，真係有錢都未必食到，如果大家有心記得早起排隊喇。

image source:FB/Zagin Soba 座銀

分析說明：

本研究資料由《KEYPO大數據關鍵引擎》提供，分析時間範圍為2018年11月28日至2019年11月27日。

網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『日本來港二十大拉麵店』相關文本進行分析，並根據網友就該議題之討論，作為本分析依據。

本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。