張致恒(Steven)今年7月宣布與未婚妻雯雯的兒子「天寶」已出世,隨即被揭一腳踏五船,形象破產,幸雯雯對Steven不離不棄,兩人不時在社交網曬幸福,更於9月時舉行婚禮,正式結為夫婦。不過,雯雯昨晚突然在Instagram的限時動態上載了一段黑底白字,表示「有啲嘢如果失望左(咗),就冇可能再彌補到,亦冇可能再返轉頭。」未知她所指的是否跟Steven有關。
今日,雯雯在Instagram上載與Steven的溫馨合照,澄清與Steven夫妻關係無問題。她說︰「收到好多認識同唔認識既(嘅)人inbox同msg我…多謝大家關心!其實我尋(噚)日story只係聽完朋友分享佢故事,之後有感而發所以打出黎(嚟)。我同我老公感情冇問題,我地(哋)好好,佢宜(依)家好努力為家庭而去改變。佢好努力唔同方面既(嘅)工作,亦每日除左(咗)工作就係照顧小朋友。」
「我身體唔好,佢工作完,凌晨都係佢照顧bb。我係(喺)度只係想講唔係一個人衰過就永遠都係衰既(嘅)!人係會改變既(嘅)。希望下次我開post講好消息既(嘅)時候…大家到時會係替我開心同祝福我既(嘅)msg😉。再一次感謝大家對我的關心❤️!」
(即時娛樂)