女團COLLAR全員接受陳志雲YouTube頻道節目《Stephen.傾》的訪問於昨晚(4月7日)上架。《全民造星IV》冠軍的Marf(邱彥筒)一直都是人氣王,一舉一動和其背景都引來不少討論,而其英文原名Marife更令不少網民猜測她有菲律賓血統。
Marf在節目中提到自己英文名令她經常被誤認是菲律賓人:「我的英文全寫其實係Marife,係我媽咪個姑姐改,呢個名好似係阿拉伯文。近呢兩年識咗菲律賓班朋友之後,就發現原來菲律賓好多人叫Marife,所以好多菲律賓老師問我係咪菲律賓人,我說不是呀,I am local。」
Marf入行後成為不少人的追擊對象,原來她中學時已因受到欺凌而於中三轉校到香港兆基創意書院,她說:「我有部分已選擇性忘記咗,某程度有陰影,對人際關係有恐懼。中一至三多數是面對冷暴力。佢哋冇掂到我,感覺好唔開心,但係就會令我好唔想返學。」
COLLAR組成的第一個月,Marf在Instagram的限時動態上怒斥「V.雜誌」主編挑戰她的底線,雖然該限時動態在發布幾分鐘後就被刪除,但是被不少的網民截圖。她說:「當時我朋友提我是否想出private,我才知道撳錯。總括來說誤會已經解決咗,純粹係態度、意見,大家少合作,一啲安排上突然轉變造成大家嘅衝突。」Marf表示當時有擔心會影響整個團隊,現在已汲取經驗,不可亂撳掣。