自三月開設自家麵包工場P&D BAKERY後，齊柏林一直潛心研發各款新包，早前推出的新界區英式鬆餅團購讓街坊們趨之若騖，試完紛紛讚不絕口。今次第二波團購終於輪到長沙灣、荔枝角、觀塘等地區在內的九龍市民，各位嗜甜一族由即日至6月27日可到齊柏林官方網站落單，並分別在7月1、3日於相應地點自取。
與上次團購一樣，英式鬆餅設有原味、提子及朱古力三款（團購套餐價錢由$70起，可加配果醬、Clotted Cream）。今次更新加原味及抹茶麻糬兩款曲奇，大家落單時可按喜好自由配搭，亦可以連齊柏林自家出品的兩款奶茶——「英女皇」（伯爵奶茶）、「回憶」（港式奶茶）購買，奶茶送Scone，啱晒下午茶鬆一鬆。
見團購咁受歡迎，記者就為大家率先到工場試味。齊柏林Scone口感鬆軟、內裡較市面上其他產品更濕潤，食落唔乾口，且富牛油香味。當中朱古力口味採用75%比利時朱古力製成，味道醇厚，私心推薦、值得一試。
工場廠長阿麟表示，齊柏林Scone之所以口感濕潤，是他們經多次試驗後的成果：改換其中一款主要材料，至於是何物，他則笑言是商業機密、緘口不提。不過他透露未來P&D BAKERY將會推出Earl Grey口味Scone及美式軟曲奇，請各位密切留意官方專頁。
另外，齊柏林各門市同期推出兩款新口味熱狗——素食炸魚堡（$42）、與燒賣皇后聯乘的燒賣熱狗（$36），各位齊柏林擁躉團購之餘，亦可到落舖頭幫襯，食盡Scone同熱狗。
【齊柏林英式鬆餅九龍區團購】
截單日期：6月27日
詳情：bit.ly/3n58jvx
文｜Layne
圖｜Layne
💛FOLLOW AndThen.hk
📘Facebook: AndThen.hk
📷Instagram: @andthenhk
Ⓜ️MeWe: AndThen.hk
留言 0