觀塘美食2024｜香濃開心果花形雙層酥皮葡撻 本地人氣烘培小店手工製

葡撻一定係唔少人嘅下午茶之選！咁就必試呢間本地烘培小店嘅花形雙層酥皮葡撻啦！小店好有人氣，除咗網上落單之外，都可以到觀塘實體店選購，甜點每日喺工場新鮮製作。雙層酥皮葡撻有多種口味，包括原味、伯爵味、焙茶味、芋泥味同開心果味，每款都係用雙層摺疊酥皮做到千層酥脆口感，蛋漿嫩滑香濃，加上花形賣相及微焦的表層，十分吸引。推介焙茶及開心果味，焙茶味清爽有回甘味，散發淡淡茶香又保留到蛋香味，而開心果味就好濃郁、重果仁味。

▲送禮自用都好適合嘅花形葡撻，有多種口味，用雙層摺疊酥皮做到千層酥脆口感，配合嫩滑細膩蛋漿，賣相同味道都超吸引。店家推出的6件裝，用嚟做辦公室或散水餅都係好選擇。

▲開心果味葡撻（$120/6件）：開心果味葡撻有好濃郁嘅香氣，又重果仁味，因為本身蛋漿已經好夠味，又使用上牛油酥皮，所以冇流心醬反而減去油膩感覺，整體係恰當適中嘅甜味。

▲焙茶味葡撻（$108/6件）：焙茶味葡撻就好清爽，茶韵清香帶回甘味，散發淡淡茶香，但同時又保留到蛋香同牛油香味。

▲原味葡撻（$96/6件）：原味絕對係不敗之選，蛋香味最突出，而且焦香味與原味蛋香嘅配搭最夾，簡單不加花巧，食到最原汁原味嘅口味。

Bakerie.C

地址：觀塘興業街14號永興工業大廈6樓C9A號舖
營業時間：12:30-19:00（平日）；13:00-16:30（星期六）；逢星期日休息
電話：66973403
網站：按此

文字來源：香港人遊香港/圖片來源：@foodjiwara