新開潮洲菜推介　必食生醃甜蝦惹味到極點｜沙田｜陳鵬鵬潮汕菜

唔知大家有冇朋友鍾意食中菜，近年發現身邊啲朋友，越黎越多話要約食中菜，平時又收到唔少DM問推介，唔知係咪因為大家都真係老了。

而呢間新開潮洲菜本身拎過唔少獎，最估唔到價錢做到咁抵，呢到大部份都係幾十蚊碟，可以叫到一枱都係，試多啲唔同款，除開4位先百幾蚊位。

-
🦐潮汕生醃甜蝦 ($88)
潮洲必食生醃，啲醬汁真係惹味到極點，但有時又會生嘢驚唔穩陣，呢到就特意用上刺身級甜蝦，配埋個汁真係令人上癮。

🧉椰皇雞湯($68)
超驚喜嘅燉湯，只用原個椰青水燉成，燉咗足足三個鐘，入口果下清甜真係驚喜，剩係黎飲呢個湯都值。

🥠鳳凰單叢鵝肝($98)
入口綿滑到極嘅鵝肝，濃郁入味又帶油脂香，最估唔到係法國拎過金獎，贏過其他歐洲嘅餐廳，勁得誇張，但就算係鵝肝都唔會特別貴。

-
🥖雞汁普寧豆乾($68)
🍲胡椒豬肚煲 (例牌$68 / 大份$188)
🥬七樣菜 ($68)
唔少潮洲傳統菜式呢到都有，淋上雞汁嘅普寧豆乾、七種菜煮成嘅傳統七樣菜、潮洲常見嘅胡椒豬肚，真係正宗地道。

🥓香煎鯧魚 ($128)
🥘鮑汁焗鮑魚 ($88)
🦑白灼南澳魷魚 ($138)
而本身潮洲近海邊，唔少菜式都以海鮮為主，特別強調鮮味，例如魷魚白灼輕輕調味，而外脆內嫩嘅煎鯧魚，仲要係香港得過獎。

🫘陳皮紅豆沙 ($20)
🍵鳳凰單叢—蜜蘭香(一位$15 / 一壺$58)
同正宗潮洲菜館一樣，最正係仲有啲靚功夫茶飲，呢款仲係潮州獨有品種，香港本身都超少見。

-
陳鵬鵬潮汕菜
🗺️沙田沙田正街18號新城市廣場一期7樓703A號舖
📞51002543

生活