Anson Lo攬枕驚現資源回收桶！網民認定「前夫」所為

MIRROR人氣王「教主」Anson Lo深受粉絲「神徒」愛戴，不過近日「教主」嘅人形攬枕竟遭到隨街棄置，引起網民熱議。事緣有「前夫」於「我老婆嫁左比Mirror導致婚姻破裂關注組」群組爆料，指朋友放狗時發現Anson Lo，但並非真人，而係佢身穿粉紅色西裝、口咬玫瑰花嘅「粉紅教主」攬枕，被當垃圾放喺資源回收桶側，仲笑指：「朋友放狗見到現任丈夫瑟縮於街角，搵人認咗佢。」

網民即時將矛頭直指「前夫」，認定係「前夫」所為：「邊個前夫做嘅？」、「夠狠夠絕」，更表示擔心「前夫」的安危：「之後會見到前夫條屍…」，又有「神徒」為Anson Lo「瞓街」感心痛：「點可以咁對教主」、「唔要可以畀我，做咩掉咗佢？」至於Anson Lo似乎未有留意事件，繼續忙於拍攝新歌MV，拍足25小時後緊接返回演員崗位。

東網網站 : https://on.cc/東網Facebook專頁 : https://www.facebook.com/onccnews/