人氣男團MIRROR即將在紅館舉行12場演唱會,引起全城搶飛潮,鏡粉們都努力撲飛,可惜不是人人得償所願。日前電台DJ彬臣在節目中分享一位74歲婆婆撲MIRROR飛的故事,令聽眾網民都感到心酸。
彬臣在節目中提到,媽媽託他買MIRROR演唱會門票,原來是為公司的清潔嬸嬸買飛。他說這位74歲的婆婆,特意以$440加入MIRROR官方歌迷會成為MIRO,希望能買到演唱會飛,可惜都不能如願:「你知老人家都唔係特別捨得使錢,佢都特登join咗fans club,希望可以買到飛。我阿媽話,『佢足足上咗兩日網,最終都撳唔到,仲喊咗幾日,阿仔你有冇方法幫到佢?』」
彬臣認為老人家要去接觸科技已非常不簡單,老人家願意花時間和心機學習上網買飛,充滿誠意。但現時購買程序太過複雜,加上網上都有很多買飛攻略,對婆婆來說,真的很難成功買到飛。
彬臣最終還是愛莫能助,網民同樣感到心酸,更有人認為演唱會應設關愛座:「點解演唱會唔可以有關愛座飛賣?難得上咗年紀嘅老人家都咁有心去睇演唱會」,引起討論,但網友們都只能慨嘆:「都冇預普通人會買到飛」。