去呢間餐廳，餐廳外面裝修好型格，入面就有少少似舊式西餐廳嘅感覺😚
✅餐牌都有好多唔同嘅選擇，你講得出嘅韓國菜都有得食。例如有炸雞，湯類，面類，石鍋飯，仲有多款嘅小菜同鐵板燒等等。佢哋飲品Menu都好吸引，有各款特製米酒同埋乳酪飲品等。每一台買滿$150都會送有韓式配菜六款添🫣
🍗無骨太陽芝士雞鍋 $248
呢個真係必食推介，大大份，我諗三個人分享share都夠食。🤣裏面包咗有幾款炸雞例如有原味，芝士洋蔥，同埋甜辣炸雞等等。芝士醬都可以揀原味，玫瑰醬或者黑松露醬都可以。而我哋就揀咗原味炸雞，就算擺咗一段時間都脆卜卜，芝士醬好香濃但一啲都唔膩😚。下面仲有一個火熱住，咁就可以一路都食到熱辣辣嘅芝士醬炸雞。炸雞每一件都外脆內軟，非常之Juicy，好推介俾大家~✅👍🏻
🍜韓國水冷麵 $78
水冷麵用咗韓國嘅蕎麥麵，麵條好幼，但係好彈牙，非常之啱夏天熱辣辣嘅時候食，又或者食完一啲炸嘢之後再食一啖水冷麵就啱晒啦。呢個都推介大家試吓～
🐣人蔘雞湯 $98
自己個人都幾鍾意人蔘雞湯，因為夠晒滋補，入邊有好多用咗好多唔同嘅材料。呢度嘅人蔘雞湯除咗慣常一般人蔘雞湯嘅材料之外，仲佢哋加咗少少嘅辣椒，所以令到成個湯有少少辣味，更加清新，提升到食慾，最尾幾飽都好，都飲得曬成個湯😚
🦑炸魷魚配紫菜卷 $68
我炸魷魚都好好食，魷魚好彈牙，亦都好多肉。而炸粉就好薄，炸紫菜卷都幾特別，外面係紫菜入邊就係粉絲。我比較鍾意幾點蜜糖芥茉醬食，唔錯😚
🍧草莓乳酪沙冰
呢杯草莓乳酪沙冰大大杯，乳酪味好重，酸酸甜甜咁，下邊有啲草莓醬攪勻嚟飲，都幾正😚👍🏻
🍻白桃忌廉生米酒
今次就第一次試韓國嘅米酒，感覺上酒味唔係話好濃烈，配上白土嘅水果香同埋清新，同米酒都幾夾，都好推介大家試吓，特別係平時唔飲得酒嘅，都可以叫黎試吓👍🏻
✅整體來講，呢一間餐廳都幾適合同朋友聚會大家一齊叫一個芝士雞鍋嚟試吓，份量又多又好味，仲要價錢唔係話特別貴，餐廳又位於喺商場入邊，夠晒方便，坐得又舒服
📍 梨泰院 (愉景新城) (荃灣)
荃灣青山公路荃灣段398號愉景新城地下1019號舖
▼ Follow we2log
留言 0