請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

Kay方皓玟亞博騷增網上直播 謝安琪化身「謝升Key」預告狂Encore

謝安琪和方皓玟的亞博騷,將在8月14日增設網上直播。(大會提供)
方皓玟除了練歌外,正努力喼弗操肌。(大會提供)
為了完美演繹方皓玟歌曲,Kay也化身「謝升Key」。(大會提供)

謝安琪(Kay)和方皓玟將於本月13日及14日,假亞博舉行「Awaken Music Kay Tse x Charmaine Fong 覺醒音樂 方皓玟 x 謝安琪」音樂會。Kay和方皓玟宣布於尾場(14日)推出網上直播。

早前Kay和方皓玟率先透露將於音樂會上對唱、互唱及獨唱,務求滿足觀眾所有願望。近日2人密鑼緊鼓綵排,方皓玟被Kay的歌曲考起:「佢啲歌好難唱,而且每一段歌詞都唔同,所以有好多歌詞要記。到時會唔會有提詞機㗎?我唔知自己挑唔挑戰到。」為了完美演繹對方作品,Kay也化身「謝升Key」:「因為我哋嘅音域好唔同,唱佢嘅歌我要升3度半先唱到!」

不少人期待音樂會的歌單編排,方皓玟笑指導演是「魔鬼」:「佢話我哋有好多歌可以揀,但係最後又唔畀我哋唱。」Kay則笑言:「我哋可以照唱,到時唔走、繼續唱!」

音樂會的完整歌單尚未出爐,但問到Kay和方皓玟最希望對方演唱自己哪首歌曲時?Charmaine毫不猶豫選擇《異流》:「《異流》係我加入獨立公司後嘅第一首歌、亦都係我第一首獲得普遍認同嘅作品,每一次聽到呢首歌我都會喊!我有諗過如果由Kay去演繹我嘅『里程碑』會點呢?相信會有好大感受。」

Kay則希望對方透過《年度之歌》,訴說歌者心聲:「好幾位歌手講過,會喺自己嘅騷選唱呢首歌,因為歌詞好體貼到佢哋嘅內心。好老實講,我得到呢首歌嘅時候,入行資歷尚淺,錄音當下仍未領略到歌曲裏景致、人生高低起跌;但係到咗依家,每一次唱都會好觸動,所以我都好想聽到小明(方皓玟)唱,可能我都會喊。」

(即時娛樂)

查看原始文章