J2節目《不正常愛情研究所》主持文頌男(Koba)早前突然消息,原來因為不幸患上癌症。早前他在IG出文指自己椎間近盤骨附近位置有惡性腫瘤,因此行動不便要停工,而自己積蓄亦花光在醫療及日常開支上,所以希望籌集醫藥費。而最近更新,他因為化療導致脫髮問題,已經剃光頭,慶幸體重暫未下降。
早前Koba在IG出文:「我幾個月前確診自己有癌症,依家有一個大概6×6×4cm 咁大嘅惡性腫瘤喺我嘅椎間近盤骨附近嘅位置,因為壓住咗啲神經,所以行動唔方便同週不時會劇痛。」而他亦有公開MRI(磁力共振掃描)報告及更新近狀:「每次都要等兩、三個鐘,因為我坐唔到、會痛,所以次次都係跪喺到等,有時太攰就要瞓病床等。」文頌男又分享了一張卧床照,表示:「跪完3個鐘即刻要趕去另一間,跪得太攰今次要瞓病床喇,最後由朝早9點搞到下晝6點,而家終於可以返屋企抖抖。#瞓得耐下肢都會痺痛」他亦指自己每4小時要食嗎啡止痛。
而近日剃光頭,則因為脫髮︰「我前幾日走咗去剃咗個頭,因為做化療日日都甩好多頭髮,咁就好唔方便,所以索性剷晒佢……人生第一次剃光頭,真係好唔慣🧑🦲🧑🦲 冇曬啲頭髮好鬼凍呀🥶 順便多謝大家啲鼓勵留言,同埋收到好多款項💰 真的非常感激‼️」