無綫劇集《輕‧功》昨晚一集講述志威（韋家雄飾）希望圓夢再拍電影《輕功》，遂鼓起勇氣面對當年因該片種下心結的吳錦賢（歐瑞偉飾），求對方出山完成劇本，惟錦賢以江郎才盡為由拒絕。志威改以激將法鬧錦賢是縮頭烏龜，兩人大打出手，勸交的十一（黎耀祥飾）無辜硬食錦賢「兜錘窩面」。
61歲歐瑞偉在《輕‧功》中飾演的吳錦賢比較文靜，內心戲較多，他輕鬆駕馭，展現出文質彬彬一面，被觀眾讚演乜似乜。他受訪時說︰「呢個角色唔多出聲唔難演，我都係跟住劇本嚟演。其實錦賢背後有個故仔嘅，以前佢鍾意咗個當紅女演員，後來個女演員同咗第二個人結婚，但一切都只係佢一廂情願，呢個心結埋藏咗喺佢心入面好多年。」
提到他在劇中再開金口唱歌，歐瑞偉說：「都係唱番自己熟悉嘅歌，難度唔算高，但都要練吓歌。我冇乜唱歌癮，始終我唱歌唔叻，出去登台來來去去都係唱嗰幾首。」講到「凌波大廈」街坊關係密切似足一家人，他笑言：「大家本身都好熟，所以開工時都好輕鬆，最好笑係韋家雄同楊卓娜，佢哋兩個成日扮到狗咬狗骨，搞氣氛𧨾大家開心。」
（即時娛樂）
留言 0