請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

【搵食CONY】銅鑼灣DONKI食品有驚喜 直擊精選優惠及必買推介

大家睇完CHOCO介紹完DON DON DONKI銅鑼灣店嘅基本資料同美妝方面嘅特色之後,係咪意猶未盡呢?話說美妝其實只佔整間舖的其中一層,其餘3層則主打各式食品和生活百貨,教人花多眼亂,等貼心嘅CONY為大家細心整理新店重點,以及精選優惠及必買產品啦。

新引入「近江牛」 必行$9特賣蔬菜區

CONY行街鍾意由最頂層開始行,所以介紹亦由3樓開始講起啦!3樓主要係蔬果肉類、刺身及糧油雜貨專區。除了有一貫嘅日本時令蔬果及各款新鮮肉類,新店更引入有日本三大和牛之一美譽嘅「近江牛」,有齊用來食shabu shabu的肉片、用來燒的肉件和牛扒等,仲有超肥美拖羅刺身,可選原件自己返去慢慢切,亦有切好拖羅片供選擇。另外慳家寶寶必行$9特價蔬菜區,當日所見有日本大蔥、豆苗、青瓜及番茄等。

鮮肉區
近江牛成個櫃都係!
有shabu shabu專用肉片。
亦有牛扒可同情人燭光晚餐或同朋友食燒肉。
拖羅刺身有原件或切片供選擇。
乜都想食的可選六合刺身。
冷凍饅魚 $100/2條、$148/3條
蔬果區
現時係白桃當造期,呢度最平賣$150一箱。
亦有其他當造水果,如提子、蜜瓜及柑桔。
$9特價區,暫見有大蔥、金菇、番茄等食材。
各款食材望落新鮮,唔係賣剩貨嘅特價區。
同層仲有日常用品、家品及小家電等。
新店首次帶來自家品牌「情熱價格」與日本著名家庭用品品牌「LEC」推出的清潔用品,包括清潔力超強的環保海綿(左)及電解水(右)。

酒品齊全 日本直送原板海膽

行落2樓,係熟食、海產壽司、酒類及急凍食品專區,當中酒類嘅貨品比起其他分店更加齊全,有威士忌、紅白酒、果酒、啤酒,以及近期當造嘅梅酒和其他特色酒品。呢層仲有多款日本手信,想送禮嘅朋友可以主攻2樓。至於熟食方面就同另外兩間分店大同小異,而壽司方面,大拖羅壽司及原板海膽有做開幕優惠,有興趣嘅朋友切勿錯過。

呢度有好多梅酒,更有特別口味,如黑糖梅酒(左)及宇治抹茶梅酒(右)。
呢度有好多梅酒,更有特別口味,如黑糖梅酒(左)及宇治抹茶梅酒(右)。
新店獨有嘅花瓣酒$198/支
富士山清酒$158
水果利口酒$25.8/支
日本手信區:冇得去旅行,買住日本手信解下「思鄉之愁」啦。
熟食專區
日本直送甜品專區
日本直送原板海膽$250
拖羅壽司$150/15件

必掃$5平貨 首推聯乘特色薯片

最後去到1樓係零食、冰品專區以及收銀處,而呢層嘅焦點落在精選特賣區,由$5至$25不等,當中包括美妝護膚品及人氣零食,而新店亦有售開幕限定嘅「明治donki福袋」,內含多款精選明治品牌嘅零食,新店更首次推出日清和DONKI聯乘嘅「博多明太味薯片」及「炸豬扒汁味薯片」。

一樓係零食專區。
$5特價區最吸睛,除咗零食,仲有美妝及日用品都搵到。
冰品專區。
指定4款雪條特價$10支。
明治Donki福袋$99.8
日清和DONKI聯乘嘅「博多明太味薯片」及「炸豬扒汁味薯片」($9.8/包)。

除咗各款精選貨品及開幕優惠,新店更安排了吞拿魚解體表演,於7月11日下午6時舉行,有興趣嘅朋友可以留意。而今次新開嘅銅鑼店雖然尺數與荃灣店差唔多大,但因為分開幾層,產品分類比較清晰,不過每層空間自然會窄少少,相信剛開幕時會人頭湧湧,怕逼嘅朋友或者等熱潮稍為緩和再朝聖吧!

DON DON DONKI名珠城店
地址:銅鑼灣百德新街22-36號名珠城1-4樓
開幕日期:7月7日