請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

咁多年冇合作過!ViuTV新劇《婚內情》撮合陳錦鴻、鄧萃雯

鄧萃雯和陳錦鴻飾演模範夫妻。
鄧萃雯和陳錦鴻飾演模範夫妻。

ViuTV下星期兩線劇夾攻惠英紅《鐵探》,其中新劇《婚內情》將於下星期一(4月29日)起晚上9時半播放。原來男女主角陳錦鴻和鄧萃雯多年來都未曾合作,陳錦鴻表示希望擦出火花:「我覺得有趣囉,因為每個對手都係特別的,都有不同之處,雯女咁多人鍾意,證明佢係一個好有優點的演員,希望喺佢身上學嘢。」

兩夫妻之間出現第三者談善言。
兩夫妻之間出現第三者談善言。

鄧萃雯亦表示雖然與所有對手均是第一次合作,但與陳錦鴻碰面即雞啄唔斷:「錦鴻係一個好健談的人,所以講咩話題都傾到,加上製作團隊都好熟,所以好容易融合。」二人多年後再拍香港劇集,對於用廣東話講對白倍感親切,陳錦鴻表示:「其實今次開工,都係見番以前班人、舊同事,全部人都識咗廿幾年,除咗親切之外仲好似返番後生個陣時。」鄧萃雯亦表示:「我今日覺得好親切,呢幾年都係內地拍劇,冇乜機會用廣東話做對手,所以五年來第一次成場戲用廣東話,真係好懷念。」

鄧萃雯和林德信關係曖昧。
鄧萃雯和林德信關係曖昧。

《婚內情》講述模範夫妻馬淑湘(鄧萃雯飾)與孫逸(陳錦鴻飾)於結婚二十周年時遭遇一連串風波,因而引發與插畫師許或然(談善言飾)、馬淑湘妹妹馬淑媛(廖碧兒飾)、家庭醫生林若德(林德信飾)的多角關係。

廖碧兒飾演鄧萃雯的妹妹。
廖碧兒飾演鄧萃雯的妹妹。
鄧萃雯和陳錦鴻完美演繹表面恩愛的夫妻。
鄧萃雯和陳錦鴻完美演繹表面恩愛的夫妻。

陳錦鴻飾演的孫逸是一位擅長撰寫愛情小說及兩性關係的作家。雖然他本人於現實中亦曾出書,但寫作題材就有所不同:「我就唔會寫愛情小說、夫妻關係個類書本,因為我驚我太太唔開心!兩個人相處一定有好壞,如果你攞出黎就要解決佢,唔提就可以由佢。我梗係覺得老婆好先一齊,但如果寫書你要好理性分析佢,咁會影響夫妻關係!」而於書店拍攝時,陳錦鴻亦把握機會乘機購物:「在書店拍戲,我都順便幫個仔睇補充練習,因為佢以前都冇乜機會做,依家佢覺得自己大個仔想做多少少,所以我由小一買番比佢,等佢慢慢做。」

撰文:機