馮盈盈醉到趴地險遭「執屍」 鄭衍峰被爆揸香閨住戶證

on.cc 東網 更新於 06月01日16:01 • 發布於 06月01日16:01 • on.cc 東網
喂呀!做咩咁醉!
喂呀!做咩咁醉!
仲要坐輪椅返屋企。
仲要坐輪椅返屋企。
馮盈盈話唔係飲醉,只係唔舒服啫。
馮盈盈話唔係飲醉,只係唔舒服啫。
馮盈盈好多謝保安出手相救。
馮盈盈好多謝保安出手相救。
鄭衍峰話自己冇住戶證喎!
鄭衍峰話自己冇住戶證喎!
馮盈盈真係話題多多。
馮盈盈真係話題多多。
當日同江嘉敏開船P。
當日同江嘉敏開船P。

前港姐冠軍馮盈盈最近成「收兵女王」,日前背緋聞男友鄭衍峰開船P尋歡,以為男方變「棄將」,但原來已攞「住戶證」登堂入室度春宵;愛情、事業兩得意的盈盈,更被住客目擊疑飲到爆,醉倒寓所大堂,保安員為免她被「執屍」,即出動輪椅送她上樓。

「話題」天天都多的馮盈盈,自與十優醫生男友寶寶分手後,搬離昔日何文田愛巢,以約2萬元租住深水埗新盤300多呎單位,開始其「獨守空帷」生活。不過有樣有身材又有高知名度的她,豈會做「獨孤王后」如此淒涼,火速搭上大隻主播鄭衍峰後,「新歡」早已登堂入室陪過夜。

日前有住客爆料,聲稱多次遇見非住戶的鄭衍峰,竟持住戶證自由進出盈盈的寓所大廈,雖然本身知名度不高,但因與盈盈傳緋聞而開始為人關注,他為免被認出,每次入「宮」過夜時都高度戒備,甫進屋苑範圍即頭耷耷兼急急腳,以防被人「點相」。

另外,有屋苑住戶指約個多星期前,曾目睹盈盈於深夜返歸,全程腳步浮浮,左搖右擺,似乎「飲大咗」!「浮走」到大堂時,她終體力不支「攤屍」趴在大堂梳化上,幸大廈保安發現,出動輪椅秒速連人帶車搭𨋢送上樓。追溯盈盈醉酒之日,正是東網踢爆她孖好友江嘉敏登遊艇開船P之時,據知她在船上大玩飲酒Game,一時樂極忘形才如此失儀。

盈盈接受訪問,對於「醉倒大堂」一事,她大方承認事發於出海當日,但聲稱並非飲醉:「係因為長時間冇坐船出海,搞到嚴重暈船浪,頭暈暈、作嘔、作悶,加上之前想減肥,連續幾日淨飲排毒果汁,唔食任何嘢,就喺返屋企途中感到強烈唔舒服。休息一晚同食番嘢就冇事啦!」她感激「打救」她的保安員,為表謝意已寫了感謝卡,並謂事後發現飲用的排毒果汁被食安中心驗出棒曲霉素超標,可引致腸胃不適。

至於鄭衍峰在電話中大笑否認擁有盈盈新居的住戶證,但沒否認曾現身該處,更拖「朋友」落水:「我都可以有其他朋友住嗰度嘅!個屋苑好似有好多座,計計埋埋成個屋苑分分鐘有幾萬人住,我喺嗰度唔一定係搵馮盈盈㗎!」

東網網站 : https://on.cc/

東網Facebook專頁 : https://www.facebook.com/onccnews/

查看原始文章