香港最熱門二十大台灣YouTuber,館長穩坐第一!

DailyView 網路溫度計 更新於 2019年12月13日01:19 • 發布於 2019年12月11日00:00
香港最熱門二十大台灣YouTuber,館長穩坐第一!
香港最熱門二十大台灣YouTuber,館長穩坐第一!

佢哋好紅,YouTube嗰隻紅

喺香港地,基本上人人都有一部智能電話,隨時隨地可以上網,各樣資訊、各式娛樂任君選擇。當愈嚟愈多人玩手提電話多過睇「公仔箱」,YouTuber真係分分鐘出名過明星,有啲仲喺外國跨地域咁紅入香港啊!今日就等DailyView用大數據分析吓近近地嘅台灣YouTuber,帶大家睇睇有邊啲人喺香港都有好高討論度啦!

DV小教室:網路溫度計透過《KEYPO大數據關鍵引擎》,觀測、爬梳港澳地區近萬個網站、頻道,其中包括新聞頻道、各大討論區、FB、IG以及Blog,從中取得資料樣本數,並以AI語意程式作數據分析。「網路熱度」為主題項目相關的網路posts和comments ,數值愈大代表主題項目的討論度愈高。

image source:

image source:

20 聖結石(146筆)

聖結石喺台灣都叫幾紅嘅YouTuber,佢嘅片五花百門,Vlog、企劃、開箱、MV……咩都有啲咁,觀看次數仲要唔少,睇嚟人氣就真係唔可以睇少。而佢喺香港有唔少人討論係事關佢拍咗一條片,係參觀香港富商鐘培生屋企,揭開彈丸之地嘅奢華生活,引嚟一班「貧苦大眾」討論兼葡萄。睇到人哋嘅工人房仲大過自己間屋,唉,真係人比人真係比死人。

image source:

16 愛莉莎莎(179筆)

愛莉莎莎嘅感情系列影片喺台灣好出名,因而俾好多台妹當晒佢係網上感情小顧問。而佢喺香港都有好多Follower,皆因佢其實同香港YouTuber海恩奶油同Mira好Friend,成日都會合作拍片,所以喺香港嘅曝光率都幾高下。佢哋就曾經拍片喺台灣尋找香港人食嘅港式餐廳,睇番條片,啲嘢食簡直係台式香港料理,引起網民熱議!

image source:

12 博恩(200筆)

當子華神「金盆𠺘口」之後,香港人對「棟篤笑」嘅需求好難滿足,尤其坊間唔多Talk show夠敢膽抽政治水,成日都聽得唔過癮。不過台灣就有一個做Stand-up comedy嘅曾博恩,次次開show都對熱門嘅時事、政治話題大大力咁抽擊,搞笑得嚟又帶點批判,真係好有黃子華嘅味道。咁夠薑,唔怪得唔少香港人都好buy佢個show啦!

image source:

10 本本(414筆)

點解本本呢個YouTuber咁多人關注?皆因本本佢個樣好似公仔咁可愛,係好多香港人都好鍾意嘅靚女「台妹」類型,佢影嘅Cosplay相更加係正到不得了!本本嘅影片內容又非常多元,喺影片入面佢扮Cute得、玩又得、串又得、打鬧都得,真係樣靚就咩風格都Carry到!唔少網民都話,本本根本係台灣最靚嘅YouTuber!

image source:

9 谷阿莫(433筆)

谷阿莫嘅YouTube Channel主題係電影解說,影片剪接咗電影片段,之後加上以佢個人觀點嚟敘述嘅電影情節分析。雖然有好多人都話佢將套電影cut到咁短嚟解讀,只係講到電影好皮毛嘅內容,冇啲深度。但正正係依種明快節奏嘅速食影片,幾分鐘就可以知晒一套戲嘅基本情節,啱晒香港人咩都想快快手嘅習慣。

image source:

7 阿神(566筆)

阿神係一位台灣遊戲實況主,基本上Keep住日日出一條片,係一位勤力又多產嘅YouTuber,自不然就吸引到好多固定收睇嘅香港機迷啦!而另外阿神仲係「搞神馬」嘅其中一員,同香港YouTuber馬田──啊「馬」一齊出片。呢個Channel開咗之後,阿神大大提高咗佢喺香港嘅知名度!佢哋一齊share打機、食物同埋有趣嘅主題,真係港台一家親!

image source:

6 黑男(606筆)

黑男以經營「街頭邱比特」聞名,佢多數會喺台北東區ZARA旁邊出現,隨機抽樣行人進行配對。好多香港人都好嚮往台灣嘅生活,而喺台北市中心上演嘅呢個街頭邱比特劇情,滿足咗好多香港人對於台灣嘅想像同埋對戀愛嘅美好期待,唔怪得之呢個節目由台灣紅到去香港啦!黑男仲曾經親身嚟到香港,拍攝香港特別版嘅街頭邱比特添!

image source:

5 理科太太(712筆)

理科太太嘅YouTube影片以科學作為主打。呢種特別嘅知識類型影片好受港台觀眾歡迎,而理科太太嘅「嗨,大家今天過得好嗎?」口頭禪,仲一度成為網民熱話。今年理科太太同老公嚟到香港,拍左一條唔叉電一日遊香港嘅影片,當中佢飲飲食食講廣東話,好多香港網民睇完都忍唔住大讚理科太太廣東話講得唔錯啊!

image source:

3 阿滴英文(1205筆)

明明香港都有教英文嘅YouTuber,但點解香港人會睇「阿滴英文」,仲有咁多人討論呢?當然唔排除有人真心想學好英文啦,但其實更多嘅討論度係關於「滴妹」㗎!好多香港網民都話滴妹好pure好ture,好girlfriendable!喂!唔好忽視阿滴啦!阿滴嘅Youtube Channel入面,有好多寓學習於娛樂嘅片值得睇㗎!

image source:

1 館長(11852筆)

最近香港人聽到「館長」呢個名,多數都係因為佢呢期好關注香港社會動態,不斷聲援香港人、同香港人講加油。其實喺呢個之前,已經有好多人follow佢㗎喇!唔好睇佢大大隻隻嘅,其實講嘢幾搞笑,成日都會開直播同網民互動,傾吓時事、打吓機咁。除此之外,佢有極MAN嘅健碩外型,仲玩開拳擊同舉重,簡直係唔少香港男性心目中嘅完美形象!

image source:

分析說明:

本研究資料由《KEYPO大數據關鍵引擎》提供,分析時間範圍為2018年12月09日至2019年12月10日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『台灣YouTuber』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論熱度大小,不代表網友正負評價。

查看原始文章