香港夫婦豪擲6位數 彭家麗出碟送畀自己

on.cc 東網 更新於 2019年10月21日06:11 • 發布於 2019年10月21日06:11 • on.cc 東網
彭家麗話去年去北愛爾蘭做布道會,認識了一對住當地嘅香港夫婦,獲對方出資6位數出碟!
彭家麗話去年去北愛爾蘭做布道會,認識了一對住當地嘅香港夫婦,獲對方出資6位數出碟!
入行30年,佢話隻福音碟係送畀自己嘅禮物!
入行30年,佢話隻福音碟係送畀自己嘅禮物!

歌手彭家麗現身電台宣傳首隻福音唱片《重新從新》,信主超過十多年的她,笑言獻出了造碟的初體驗:「用咗一年時間一手一腳做呢隻碟出嚟,由構思、揀歌、大碟設計、安排影相都係自己做,又會去跟廠製碟、校對歌詞紙,不過之後發現打錯咗兩粒字,都改唔切,成個過程係辛苦,亦有好多細微位唔完美,但由頭到尾都係自己嘅心血,見到隻碟都好開心!」

講到今次出碟的機遇,彭家麗指去年去北愛爾蘭做布道會,認識了一對住當地的香港夫婦,獲對方出資6位數字出碟:「入面有10首歌,其中9首係詩歌,同翻唱咗好鍾意嘅林憶蓮首《只可活一次》,今次有好多朋友幫手,例如打畀巫啟賢邀歌,佢即刻應承兼一個星期內就畀到首歌我,王祖藍又同我合唱咗首《好好戀愛》,但最可惜嘅係由盧冠廷寫畀我首《珍惜》,因為唱片公司有10年版權問題,所以只可以收錄MMO版本。」

入行30年的她,表示福音碟是送給自己的禮物。問到有了首次造碟經驗之後,有信心再造碟?她笑言:「其實都有人繼續支持我出碟,但真係要睇Budget,自己都希望藉住出碟傳福音,不過有公司Support比較好。(考慮簽唱片公司?)要再睇睇,咁多年嚟好多嘢都自己Handle到。」續預告明年會有新動向,但暫時要先賣關子。

---------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你。

東網網站 : https://on.cc/

東網Facebook專頁 : https://www.facebook.com/onccnews/

查看原始文章