香港估估吓:港漫中刀槍不入的武功

on.cc 東網 更新於 2019年11月16日00:00 • 發布於 2019年11月16日00:00 • on.cc 東網
連子彈都擋得住,金鐘罩果然厲害!(互聯網)
連子彈都擋得住,金鐘罩果然厲害!(互聯網)
除咗石黑龍之外,喺《龍虎門》當中以金鐘罩為標誌嘅一定就係金羅漢喇。(互聯網)
除咗石黑龍之外,喺《龍虎門》當中以金鐘罩為標誌嘅一定就係金羅漢喇。(互聯網)
金鐘罩為少林寺四大神功之一,神僧空我就曾經以此神功令天下無敵老祖宗大為頭痛。(互聯網)
金鐘罩為少林寺四大神功之一,神僧空我就曾經以此神功令天下無敵老祖宗大為頭痛。(互聯網)
金羅漢能夠令金鐘罩功力漸漸提高,全算個人努力,唔似得石黑龍咁要靠其他高手灌輸功力。(互聯網)
金羅漢能夠令金鐘罩功力漸漸提高,全算個人努力,唔似得石黑龍咁要靠其他高手灌輸功力。(互聯網)
金羅漢初登場時為一大奸角,後來已經改邪歸正,更加好人有好報,抱得美人歸。(互聯網)
金羅漢初登場時為一大奸角,後來已經改邪歸正,更加好人有好報,抱得美人歸。(互聯網)

喺港漫當中,好多武林高手都練得一身銅皮鐵骨,講到防禦力最強嘅武學,咁就真係非金鐘罩莫屬喇,港漫作品《龍虎門》當中嘅一代梟雄金羅漢更加曾經以其金鐘罩神功擋住數之不盡嘅機關槍子彈!

金羅漢原名木村哲夫,為經典港漫《龍虎門》當中嘅絕頂高手之一,初登場時已經係羅剎教四大護法之首,師承至德禪師,所使嘅絕技包括如來千佛手、大力金剛掌以及羅漢禪指等,而最厲害嘅武功就同石黑龍一樣,為少林寺四大神功之一嘅金鐘罩!唔同嘅係,金羅漢能夠將金鐘罩練至第十一關,差一關就能夠到達只有達摩先能夠練到十二關功力,當中全靠金羅漢天資優秀再加上苦練所至,完全唔似石黑龍咁靠主角光環屢有奇遇而提升功力。

雖然金羅漢嘅金鐘罩第十一關功力仲差一關先算係頂級,但係已經可以達到刀槍不入、水火不浸之境,金羅漢更曾經憑呢份功力擋住無數機關槍子彈以保護愛妻,及後更將子彈反彈以殲滅敵兵。

東網網站 : https://on.cc/

東網Facebook專頁 : https://www.facebook.com/onccnews/

查看原始文章