開箱男:小米投影儀青春版 平玩200吋

on.cc 東網 更新於 2019年12月05日07:30 • 發布於 2019年12月05日07:30 • on.cc 東網
小米投影儀青春版可投影出200吋畫面,而且只係賣三千四蚊有找,貫徹品牌抵玩風格。(胡振文攝)
小米投影儀青春版可投影出200吋畫面,而且只係賣三千四蚊有找,貫徹品牌抵玩風格。(胡振文攝)
機身設計的骰,黑白色夠簡約。(胡振文攝)
機身設計的骰,黑白色夠簡約。(胡振文攝)
機底加入1/4螺絲孔,可以連接腳架。(胡振文攝)
機底加入1/4螺絲孔,可以連接腳架。(胡振文攝)
內置Amlogic T968-H處理器及2GB RAM,運行Android TV 9相當順暢。(胡振文攝)
內置Amlogic T968-H處理器及2GB RAM,運行Android TV 9相當順暢。(胡振文攝)
移動投影位置後就會彈出自動對焦畫面,對焦速度都算快。(胡振文攝)
移動投影位置後就會彈出自動對焦畫面,對焦速度都算快。(胡振文攝)
備有垂直梯形校正,簡單將畫面修正。(胡振文攝)
備有垂直梯形校正,簡單將畫面修正。(胡振文攝)
室內開燈下,投影約40吋畫面,顏色、對比度都有不俗效果。(胡振文攝)
室內開燈下,投影約40吋畫面,顏色、對比度都有不俗效果。(胡振文攝)
拍埋罐裝汽水,可見機身完全唔阻碇。(胡振文攝)
拍埋罐裝汽水,可見機身完全唔阻碇。(胡振文攝)
散熱孔位於機背,機側兩邊為發聲位置。(胡振文攝)
散熱孔位於機背,機側兩邊為發聲位置。(胡振文攝)

想將屋企打造成家庭影院,最關鍵一環當然就係畫面,所以好多人都會選擇小型投影機,慳位之餘又可以投射出更大嘅畫面。小米最近就推出咗小米投影儀青春版,主打機仔細細,但就可以投影出200吋畫面,而且只係賣三千四蚊有找,究竟新機係品牌一貫高性價比,抑或係平嘢冇好呢? 就等開箱男為大家揭曉!

包裝盒一貫品牌的簡約路線,盒內就有投影機主體、藍牙遙控以及火牛。盒形機身用上黑白雙色,闊11.5cm及高15cm。整部機就重1.3 kg,便攜性一般,但拎入房、擺出廳唔會好難;加上機底設有一個1/4螺絲孔,可以將機身安裝於腳架上,擺位更加靈活。

機身結構方面,正面上方為投影鏡頭,正面下方為對焦鏡頭,機側兩邊是喇叭出聲位置,背面則為散熱孔。全機只有機頂一個電源鍵,另外機背設有3個插口,分別是3.5 mm連接外置喇叭、USB 2.0讀取「手指」等儲存裝置以及HDMI輸入,連接PS4、手機等裝置,相信可以滿足不同需要的用家。

與內地版本不同,小米投影儀青春版採用Android TV作業系統,操作簡單。連接Wi-Fi之後就可以隨時睇YouTube,亦可於Google Play下載不同類型的串流Apps或遊戲。新機亦對應Miracast,可以將手機畫面無線投影至投影機上。

機仔細細,大家可能會質疑呢部機嘅投影能力,小米投影儀青春版就採用LED光源,達500 ANSI流明,可以投影出1,080p全高清畫面,尺寸就由40吋至200吋,同時支援自動對焦及垂直梯形校正。

實測投影畫面大細同距離大概1:1,即係需要投影出40吋畫面時,投影機與牆壁或者投影幕就需要40吋距離。喺室內環境、開燈情況下,投影大概80吋畫面,效果都尚算清晰、畫面對比度合格;再試於室內環境、關燈情況下投影最大200吋畫面,畫面色水明顯變淡,對比度不足。事實上,官方亦只推薦用家投影60至120吋畫面,所以用家要有心理準備。

值得一讚係,投影機音質亦唔錯,內置兩組5W喇叭,個人感覺音量輸出足夠100平方呎至200平方呎空間使用;另內置藍牙音箱模式,將投影機直接變為無線喇叭,連接手機隨時播歌。

最後小總結,其實小米投影儀青春版無論投影質素以至整體操作都有滿意效果,確實有一貫小米抵玩風格。如果想將蝸居、部屋變身家庭影院的話,絕對可以考慮。

東網網站 : https://on.cc/

東網Facebook專頁 : https://www.facebook.com/onccnews/

查看原始文章