鍾嘉欣返港完全冇跟馬浚偉見面 兄妹情從此不再?!

娛樂 on LINE 更新於 08月15日13:24 • 發布於 08月15日11:36 • 阿妹
鍾嘉欣最近因為接拍新劇而返港。

鍾嘉欣跟馬浚偉同出晒名情同兄妹,不過近日竟然有傳二人關係決裂?!最近鍾嘉欣因為接拍無綫新劇《兒科醫生》(前名《兒童醫院》)而由加拿大回歸,更抽空客串綜藝節目《娛樂大家》,及相約一班老友黎諾懿、胡杏兒等人見面。不過,回港成半個月,鍾嘉欣竟然一次都沒有跟「契哥」馬浚偉見面,令人猜疑二人兄妹情不再。

仲抽時間見老友黎諾懿。

 

同埋搵胡杏兒唱K。

鍾嘉欣跟馬浚偉過去合作過多套劇集,包括:《皆大歡喜》、《金石良緣》、《老友狗狗》、《蒲松齡》及《當旺爸爸》,鍾嘉欣亦曾經形容馬浚偉「如兄長般」存在,可見二人關係極好。對於有傳跟「契哥」關係有變,鍾嘉欣回應傳媒時就否認消息,指有約過對方,不過要等疫情好轉才見面,而馬浚偉亦笑指是流料。

鍾嘉欣跟馬浚偉合作過多套劇集。