跨足演藝、時尚還不夠 Jessica成為作家出道!新小說有望拍成電影

Homita 更新於 2019年10月21日12:07 • 發布於 2019年10月21日10:03 • CASS

曾係韓國女團少女時代「Girls’ Generation」嘅成員、後來成為演員同設計師嘅 Jessica,活躍於演藝圈已超過 12 年,退出咗女子團體之後仍以個人名義發展,並創立個人品牌 Blanc&Eclare,啱啱更喺9月底發行韓語單曲〈Call Me Before You Sleep〉,估唔到積極踏入唔同領域嘅佢,依家仲多咗一個「作家」嘅身份!

Jessica 所創作嘅第一部小說名為《Shine》,內容講述一位韓裔美國籍女生,闖入競爭壓力大但又色彩斑斕嘅韓國偶像世界為主題,少女爲咗實現夢想不斷練習,遇上同公司嘅男孩,兩人因一個合唱機會認識並發展,隨後展開一段青春浪漫的故事。

故事囊括咗韓國演藝世界不為人知嘅幕後面貌,明星喺鎂光燈後嘅辛苦同歡笑,因為小說主角同Jessica嘅身份不謀而合,有好多人猜測呢本係 Jessica 融入自身經歷嘅自傳故事。

Jessica 表示佢希望呈現嘅係一個透明而真實嘅故事,根據美國娛樂週刊等媒體報導,Jessica 已經同童書出版社「Simon & Schuster Children's Publishing」簽約,預計推出兩部個人撰寫嘅小說。

第一本小說《Shine》將於明年出版,預計會翻譯成 11 國語言,並,而以呢本小說為原型嘅好萊塢電影亦正進行協商,有望由擔任《致所有我曾愛過的男孩 (To All The Boys I've Loved Before)》監製之一的麥特卡普蘭 (Matt Kaplan) 負責執導。相信亦會喺不久後成形。第二本小說則預計喺2021年推出。

Jessica果然多才多藝!鍾意佢嘅粉絲係咪好期待呢?記得期待下啦~

查看原始文章