綵排已爆喊 田蕊妮嫌太長Cut走吳業坤

on.cc 東網 更新於 2019年09月17日05:43 • 發布於 2019年09月17日05:43 • on.cc 東網
田蕊妮星期五就開騷喇!
田蕊妮星期五就開騷喇!
佢話綵排已經喊定先。
佢話綵排已經喊定先。
阿田笑言Cut走吳業坤係「最沉重的決定」。
阿田笑言Cut走吳業坤係「最沉重的決定」。

將於本周五開處女騷的田蕊妮(阿田),今日現身電台接受森美訪問:「其實閉緊關,本身想邀請佢嚟睇騷,但佢飛咗去日本拍嘢,佢就請我上嚟做訪問。(有關心吓佢身體?)有睇個節目,佢依家冇乜嘢,身體健康最重要!」

講到快將開騷,阿田笑話已進入緊張狀態,出現神經反射反應:「會拎住個電話搵電話、拎住條車匙搵車匙、人哋同我講嘢都唔入耳,成個腦都係個騷啲嘢。尋晚發噩夢,夢見我喺台上面一片空白,唔記得要講咩,但講咗出嚟就唔靈㗎啦!依家每日都挑剔緊自己,改緊個騷啲嘢。」

田爸爸獨唱一首歌

阿田笑話爸爸去完首次Full Band綵排後,心情非常輕鬆,還主動詢問Book場價:「佢想遲啲當唱K咁Book房,仲要Book埋隊Live Band,佢夾得好開心,我總算有貢獻!」她透露爸爸還會處男獨唱一首歌:「佢真係完全唔緊張,好堅!雖然佢後生有夾過Band,但就冇台上演唱經驗。」續大爆爸爸笑料:「佢綵排嗰日同Band Leader講嗰日把聲有痰狀態唔好,但上台就冇事。佢知我有食清音丸,同我講開騷嗰日畀兩粒佢食!真係好難得同爸爸製造同台回憶!」

不過阿田坦言最驚淚灑舞台:「對住空氣綵排已經喊,最驚一喊就會喊爛把聲,又會表達唔到想講嘅嘢,都要好好控制吓。」繼而自爆原先有邀請吳業坤做嘉賓,但因時間關係,做下人生「最沉重的決定」,她抵死笑話:「依家Cut咗佢,唔再需要佢,哈哈!但個騷太長又唔係件好事,自己都唔好意思,不過如果因為知道有佢做嘉賓而唔買飛嘅朋友,依家就可以買飛啦!」

---------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你。

東網網站 : https://on.cc/

東網Facebook專頁 : https://www.facebook.com/onccnews/

查看原始文章