玩秘婚?網民力捧攞視后 李施嬅心淡唔恨獎

on.cc 東網 更新於 2019年09月19日15:02 • 發布於 2019年09月19日15:02 • on.cc 東網
李施嬅話冇諗獎好耐啦!
李施嬅話冇諗獎好耐啦!
唔少網民都話無綫欠佢一個「視后」寶座!
唔少網民都話無綫欠佢一個「視后」寶座!
施嬅就話冇呢個獎,依然對事業好滿足!
施嬅就話冇呢個獎,依然對事業好滿足!
《金宵大廈》係佢離開無綫後倒數第二部作品!
《金宵大廈》係佢離開無綫後倒數第二部作品!
最令佢難忘係一場同陳山聰嘅「神交」戲!
最令佢難忘係一場同陳山聰嘅「神交」戲!
大讚山聰係位好對手!
大讚山聰係位好對手!
講到愛情,佢就話唔想公開!
講到愛情,佢就話唔想公開!
就算拍拖結婚都未必會講!
就算拍拖結婚都未必會講!
未必會擺酒,簽字就算!
未必會擺酒,簽字就算!
施嬅接受訪問,大談對事業及愛情嘅睇法!
施嬅接受訪問,大談對事業及愛情嘅睇法!

效力無綫16年的李施嬅,今年4月宣布約滿離巢,《金宵大廈》劇成為她離巢後倒數的第二部作品,劇中她分飾舞女Coco及空姐,兩個角色互常牽引,關乎前世今生兩個故事,令她相信有因必有果。自認保守的她笑言今次豁出去挑戰誘人戲份:「做Coco嘅時候要畀臨時演員摸手摸腳同攬腰,仲要食煙,但佢哋仲驚過我,反而要我做主導。」

難忘與陳山聰神交

跟陳山聰亦有不少親熱場口,最令她難忘的是挑戰一場「神交」戲:「場戲係佢送我返屋企,兩個互望食煙,我吸一啖望住佢,吹啲煙出嚟,佢又拎我支煙食,感覺上好似用眼神發生激烈關係,但全部都係用眼神、動作形態去交代。」她大讚山聰是位好對手,合作有安全感,又帶挈她經常有靚湯飲:「佢女友Apple好好,好明白事理,包容好多嘢,仲成日煲湯,要一個圈外人接受我哋呢個行業唔易。」

結婚不求任何儀式

新劇播出幾日已大獲好評,不少網民揚言無綫欠她一個「視后」寶座,施嬅卻睇得開,以平常心對待,沒有這個想法:「山聰今次發揮得好好,又就嚟結婚,希望佢雙喜臨門。(你拎咗又宣布喜事?)咩喜事?冇呀!依家專注事業,就算拍拖都唔想公開。(結婚先公布?)未必會,係好私人嘅事,如果對方冇要求,未必會擺酒,簽字都得,有冇儀式都冇咩所謂。(恨拎獎?)冇諗好耐啦真係,唔係可以控制到嘅嘢,有獎會係開心事、係禮物,但冇呢個獎,我依然對事業好滿足,唔好咁執着,呢個世界好大,可以見識好多嘢。」她更將之比喻為愛情:「就好似你去愛一個男人,佢唔愛你,仲要執着就遇唔到更好,我好信呢樣嘢。」講到衝出亞洲殺入荷里活影視圈,她說暫時未知去向,待所有事落實後會跟大家分享,有時間會自我增值。

場地:OysterMine

---------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你。

東網網站 : https://on.cc/

東網Facebook專頁 : https://www.facebook.com/onccnews/

查看原始文章