王卓淇化身「港姐羅拉」搬貨 秘撈一腳踢

on.cc 東網 更新於 2019年11月14日16:01 • 發布於 2019年11月14日16:01 • on.cc 東網
財來自有方,王卓淇抵讚!
財來自有方,王卓淇抵讚!
逆市搞生意一啲都唔易!
逆市搞生意一啲都唔易!
擔擔抬抬一腳踢!
擔擔抬抬一腳踢!
嬌滴滴都咁好腰力!
嬌滴滴都咁好腰力!
一絲不苟!
一絲不苟!
做埋收銀!
做埋收銀!
乜都自己一腳踢!
乜都自己一腳踢!

2014年港姐亞軍王卓淇(Erin),入行五年來工作並不算多,雖然有富爸爸撐腰,但她有感不能長期「飯來張口」,早前將多年儲落的六位數字私己錢,孤注一擲投資服裝店生意及膠原蛋白生意,憑雙手創一番事業,更要放下藝人包袱,落手落腳頂硬上。

親力Sell客 做「生招牌」

日前,Erin被發現以背心白色短褲造型,現身位於港島區的服裝店,見她在收銀枱前處理兩大箱膠原蛋白,純熟地將貨物入完箱再封箱,更「港姐羅拉」上身親自搬貨!弱質纖纖的她雖然有點雞手鴨腳,但仍然獨力舉起大箱到郵局寄貨,期間在人來人往的街道穿梭,沒有面露半點辛苦,非常捱得!隨後,Erin返回服裝店繼續開工,見她執貨、摺衫一腳踢,更落力向客人推介服裝,又不時「人肉衣架」上身,落足嘴頭推銷,完全放下藝人架子。除了埋頭苦幹在店內處理文書工作,她又趁未有客人時換上店內衣服兼自拍,再上載在社交網做「生招牌」,實行全方位宣傳吸納客源,難怪深得網友歡心。

為生意捱生捱死,Erin接受東網訪問時透露,全因藝員收入不穩,還自爆一直要家人幫忙才可應付生活支出,幸好上個月生意收入可以幫補家計,還給家人家用:「入行後,我有糧出都會畀家用媽咪,當然數目唔會係好多,所以要靠屋企人幫我手,先可以應付生活,好開心上個月拎到五位數字家用返屋企,我會繼續努力!其實我喺英國碩士畢業之後,就加入無綫拍劇,冇返過其他工,今次係我第一次做生意,啲衫係我真心試過先同佢哋合作,膠原蛋白都係我飲過先拎個代理返嚟。」

雖然生意收入可觀,但Erin強調演員工作才是首位,問到做生意會否介意被指是「賺錢買花戴」?她說:「我屋企係小康,但有冇錢都好,自己都要奮鬥同努力,我好想報答屋企人,有機會請佢哋去旅行。」

--------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你。

東網網站 : https://on.cc/

東網Facebook專頁 : https://www.facebook.com/onccnews/

查看原始文章