港姐:點解冇拍過拖?郭柏妍自爆被四眼男辣「口」摧花

on.cc 東網 更新於 08月06日13:05 • 發布於 08月06日13:05 • on.cc 東網
唔通郭柏妍同余德丞真過電?
唔通郭柏妍同余德丞真過電?
好Sweet咁喎!
好Sweet咁喎!
郭柏妍講番被拒絕經過。
郭柏妍講番被拒絕經過。

《2020香港小姐競選》「我和港姐有個約會」今晚的兩位佳麗分別是郭柏妍及謝恩靈,藝人嘉賓則是余德丞(Dickson)及胡鴻鈞。主持陸浩明指向來怕醜的郭柏妍一開始便臉紅,Dickson笑謂:「可能佢急尿咋!」又要求與對方齊齊做心心手勢,讓網友葡萄。

Dickson問郭柏妍為何未拍過拖,她自爆中四、五時曾被人拒絕過:「可能以前個樣好衰,比較肥又戴眼鏡。(個男仔外表係點?)佢都係戴眼鏡嘅,皮膚偏黑,我比佢高少少,佢坐我隔籬,成日會傾吓功課,又會打情罵俏,佢有問我好唔好一齊,嗰陣因為就嚟考公開試,我話遲啲先覆,隔咗唔夠一個禮拜,我話好,我哋一齊啦!佢話唔好喇,我有啲唔開心,因為佢講先㗎嘛!覺得佢係咪玩我呢!」

而曾經與麥明詩及蔡思貝傳過緋聞的Dickson,被陸浩明問到對郭柏妍的喜愛程度會否高過兩位緋聞女友?Dickson即謂:「嘩!點答呀,有把刀行住我呀!」意指蔡思貝緋聞男友胡鴻鈞都在。

Dickson問郭柏妍有沒有三點式泳衣,她謂:「有嘅,因為有次去沙灘我着一件頭,成個沙灘啲男仔都望住我,所以我唔想,(幼帶定粗帶?)幼帶嘅,(去沙灘都想吸引男士目光?)我係曬太陽,(接唔接受到一腳踏幾船?)我接受唔到,我好專注,(情願對方精神上出軌定肉體上出軌?)精神上出軌,因為肉體上出軌驚佢感染其他病。(唔鍾意男朋友講粗口定好邋遢?)我要乾淨嘅,我可以過濾啲粗口扮聽唔到。」

東網網站 : https://on.cc/

東網Facebook專頁 : https://www.facebook.com/onccnews/

查看原始文章