楊明飲酒出事有前科 再涉醉駕隨時坐監

on.cc 東網 更新於 2020年08月07日18:46 • 發布於 2020年08月07日18:46 • on.cc 東網
唉!
唉!
2005年楊明涉醉駕~
2005年楊明涉醉駕~
2006年喺夜店襲擊保安員而被判守行為,期間喺蘭桂坊到楊明繼續飲酒。
2006年喺夜店襲擊保安員而被判守行為,期間喺蘭桂坊到楊明繼續飲酒。
結果喺2007年再次因飲酒出事,呢次係涉刑毀。
結果喺2007年再次因飲酒出事,呢次係涉刑毀。
咁難得捱到做男主角,點解要咁做呢?唔通人類總是重複同樣的錯誤?
咁難得捱到做男主角,點解要咁做呢?唔通人類總是重複同樣的錯誤?

藝人楊明凌晨時段涉醉駕炒車,其實佢都唔係第一次因為醉酒出事,試過醉駕停牌同埋帶醉刑毀,之前嘅專訪楊明仲講緊以前做錯嘅事(相關新聞 https://bit.ly/2EZx21n ),仲話依家有所警惕,近年已減少飲酒避免再出醜人前,言猶在耳,估唔到佢又係衰喺飲酒呢方面!啱啱捱上男主角位置嘅佢,睇嚟星途都凍過水!

楊明於2005年被發現將座駕停在佐敦道中間行車線,並於車中睡覺,警方到場後接受酒精測試時證實超標後被拘捕,其後被判罰款7,000元及停牌1年。於2006年在夜店襲擊保安員而被判守行為,在守行為期間又帶醉意在便利店兩次以回鄉卡購物不果,並破壞店內物品,法院被判社會服務令150小時,並須向便利店賠償3,880元。

已經入行22年嘅楊明,喺無綫參演過近百套劇集,由開頭嘅「咖喱啡」做起,之後事業都算順利,好快就演有對白嘅角色,跟住開始做配角,點知兩年內涉醉駕兼刑毀,導致被無綫懲罰陷入事業低潮期,幾經辛苦捱咗幾年「二世祖」嘅角色,終於獲大眾接受,喺《婚姻合伙人》、《機場特警》同仲播緊嘅《迷網》入面做男主角,前途一片光明,突然再捲入醉駕事件,除咗無綫可能會重罰之外,因為佢有幾次相同嘅案例,法庭隨時會判收監!

東網網站 : https://on.cc/

東網Facebook專頁 : https://www.facebook.com/onccnews/

查看原始文章