果粉聚焦:好過送現金 禮品卡4大使用妙法

on.cc 東網 更新於 2020年01月21日08:30 • 發布於 2020年01月21日08:30 • on.cc 東網
用Apple禮品卡代替現金封畀人,實用得來無咁老土。(互聯網)
用Apple禮品卡代替現金封畀人,實用得來無咁老土。(互聯網)
《Monster Chord》讓小朋友學習和弦,$100禮品卡夠用半年。(互聯網)
《Monster Chord》讓小朋友學習和弦,$100禮品卡夠用半年。(互聯網)
《Tinder》已經有300億次配對成功,單身人士一於買個「機會」!(互聯網)
《Tinder》已經有300億次配對成功,單身人士一於買個「機會」!(互聯網)
月費$38就能欣賞Apple TV+的獨家原創節目。(互聯網)
月費$38就能欣賞Apple TV+的獨家原創節目。(互聯網)
Apple TV app舉行新年倒數推廣,連場好戲以低至四七折發售。(互聯網)
Apple TV app舉行新年倒數推廣,連場好戲以低至四七折發售。(互聯網)
現時iCloud每月僅需$8就有50GB,足夠一般果粉使用。(互聯網)
現時iCloud每月僅需$8就有50GB,足夠一般果粉使用。(互聯網)

新年又是派利是的時候,但唔想淨封現金咁悶,果粉今年可以試吓封App Store和iTunes禮品卡,一來有唔同金額,二來可在卡上附上個人訊息,而且以電郵送贈都得,海外朋友一樣收到。至於收到嘅朋友又點使好?最近Apple就推介咗幾個$100有找嘅實用方案畀大家,無論大人細路、拍拖單身都啱使!

For小朋友 買App學音樂

小朋友收到利是錢與其畀佢亂使,不如幫佢訂閱呢個結他/烏克麗麗學習App,透過遊戲循序漸進地學習和弦,除經典童謠《倫敦鐵 橋垮下來》、《瑪莉有隻小綿羊》及原創歌曲外,每個月也會添加新的等級/歌曲,月月有新驚喜。首5個等級是免費,其後App內訂閱每月$15,$100禮品卡夠學習半年!

For大朋友 交友脫單身

單身人士新年本已難捱,仲要遇着姨媽姑姐追問幾時拍拖。若想早日「脫單」,不妨用禮品卡買個「機會」,透過月費$78訂閱交友程式《Tinder》,隨即享用不同升級功能,例如無限次按讚、跟世界各地單身人士聯絡的「跨國護照」、「重讚」按錯的對象、每月一次免費「Boost」及Super Like等等,社交生活擴闊了,拍拖機會自然大增。

For劇迷 平價買好戲

新年長假期正好煲劇,現時以$38月費就能欣賞Apple TV+的獨家原創節目。另外,Apple TV app舉行新年倒數推廣,即日至1月23日每天可以低至優惠$58購買人氣電影,優惠高達四七折,當中包括1月20日的《無敵破壞王2》、1月21日的《哥吉拉 II 怪獸之王》、1月22日《POKÉMON神探Pikachu》及1月23日的《銃夢:戰鬥天使》,影迷一於買定新年長假煲!

For低頭族 50GB助備份

低頭族機不離手,相片、影片、文件檔案一大推,遺失了都咪話唔肉痛!原來現時iCloud經裝置購買每月僅需$8就有50GB雲端儲存空間,換句話說$100禮品卡夠用一年。若容量需求更大,iCloud也有$23/每月200GB或$78/每月2TB等服務計劃,果粉可按預算彈性選擇。

東網網站 : https://on.cc/

東網Facebook專頁 : https://www.facebook.com/onccnews/

查看原始文章