東方日報C1:馮盈盈傳偷食鄭衍峰穿煲求「寶寶」原諒

on.cc 東網 更新於 08月13日19:30 • 發布於 08月13日19:30 • on.cc 東網
復合未落閘!
復合未落閘!
由「愛」到「分」,盈盈認為是她跟「寶寶」兩個人的事,不欲多談。
由「愛」到「分」,盈盈認為是她跟「寶寶」兩個人的事,不欲多談。
一度談婚論嫁的盈盈與「寶寶」,現仍保留舊愛巢,似對復合留餘地。
一度談婚論嫁的盈盈與「寶寶」,現仍保留舊愛巢,似對復合留餘地。
盈盈直言與鄭衍峰性格一凹一凸,非常啱Key 。
盈盈直言與鄭衍峰性格一凹一凸,非常啱Key 。
女人心海底針!盈盈對舊愛的感情狀況一清二楚,同時又對「新歡」讚不絕口,好難捉摸!
女人心海底針!盈盈對舊愛的感情狀況一清二楚,同時又對「新歡」讚不絕口,好難捉摸!
盈盈早前上載在新居的試戲片段,被揭仍使用舊愛巢的梳化,唔怕睹物思人。
盈盈早前上載在新居的試戲片段,被揭仍使用舊愛巢的梳化,唔怕睹物思人。

現年26歲的馮盈盈,與舊愛「寶寶」鍾文浩(Martin)分手後各自精彩,但原來有指她於分手前,已跟大隻仔主播鄭衍峰「撻着」,更一度求Martin原諒,但轉頭又公開「分」訊,傷盡舊愛心!不過,盈盈受訪時力撐與舊愛關係很好,還踢爆Martin最近又甩拖,回復單身!

前港姐冠軍馮盈盈,入行至今一直是「話題女王」,感情生活更備受關注。去年底,她宣布與拍拖4年的十優醫生同居男友「寶寶」Martin分手,並將昔日愛巢放租,分手約4個月,Martin被揭有新歡,而盈盈也不愁寂寞,被指極速撻着28歲主播鄭衍峰。這對舊情人看似各自各精彩,但原來暗藏不少秘密,有指盈盈、Martin及鄭衍峰的「三角關係」欲斷難斷!

爆Martin回復單身

有傳盈盈去年與鄭衍峰暗生情愫,被Martin揭發後一度求對方諒解,最終卻又「搶先」在社交網自揭「分」訊,令Martin深受傷害!對於傳言,盈盈早前接受專訪時淡然回應:「係我哋兩個人之間嘅事啫!大家要Move On,但絕對唔係外界所諗咁樣。我同Martin到依家都關係友好,大家有良好溝通,據我所知,佢好似又再回復單身喇!我主演嘅新劇《反黑路人甲》出街,佢都話要追睇,好支持我。」對於有傳她清空了二人的聯名戶口,她說:「唔係事實,聯名個單位亦成功出租,只係未過禁售期(指政府『辣招』,3年內轉讓物業要付額外印花稅),冇得出售。」她強調所有負面傳聞都不是真,流言必定會不攻自破,至於有否復合機會,她只說:「總之同佢關係好好。」

感情生活助演戲

至於與鄭衍峰是否拍拖,盈盈依然沒有正面回應,但就大讚:「佢好細心、成熟,會好多面咁去諗嘢,我就比較率直,一凹一凸可以互補缺點,但依家都係工作為先。雖然喺我嘅角度,做演員要有感情生活、有對象傾訴先有新嘢出到嚟,可以互相支持同鼓勵,但依家真係做嘢先,好想做一個全方位演員,感情事隨緣。」

談到新劇《反黑路人甲》,盈盈直言相當開心:「因為我係周星馳粉絲,知道呢套劇類似電影《喜劇之王》,真係好開心!(邊場戲最難忘?)喺中環畀王浩信扯甩衫嗰幕,因為天雨關係,要擇日重拍。第二日拍嘅時候,因為想一氣呵成,所以由頭拍過,當時雖然係凌晨,但都車來車往,不過我都豁出去,唔理途人眼光,所以相當難忘。」

更多新聞,請瀏覽東方日報網頁:

https://orientaldaily.on.cc/

東網網站 : https://on.cc/

東網Facebook專頁 : https://www.facebook.com/onccnews/

查看原始文章