東方日報C1:霆鋒怒爆紅館 太空船騷夢碎

on.cc 東網 更新於 2019年10月16日19:43 • 發布於 2019年10月16日19:43 • on.cc 東網
霆鋒放棄等紅館期,創「搖滾美食節」世界巡迴騷冧歌迷。
霆鋒放棄等紅館期,創「搖滾美食節」世界巡迴騷冧歌迷。
霆鋒講起未能在紅館開個唱,灰爆!
霆鋒講起未能在紅館開個唱,灰爆!
自爆已簽了三次被拒的文件。
自爆已簽了三次被拒的文件。
霆鋒發掘樂隊承傳搖滾。
霆鋒發掘樂隊承傳搖滾。
霆鋒的個唱舞台構思,是將紅館變成太空船。
霆鋒的個唱舞台構思,是將紅館變成太空船。
霆鋒參加《名廚爭鋒》,與名廚David進行PK賽。
霆鋒參加《名廚爭鋒》,與名廚David進行PK賽。
保持愛情低調,避談王菲
保持愛情低調,避談王菲
謝賢與甄珍傳復合,霆鋒有獨特見解。
謝賢與甄珍傳復合,霆鋒有獨特見解。
與婷婷少互動,但兄妹情深。
與婷婷少互動,但兄妹情深。

謝霆鋒回應歌迷集氣訴求,全力打造苦等19年、將舞台變成太空船的「鋒狂」個唱,但他正式宣布與請他食「大檸檬」的紅館割席:「唔喺佢度開囉!」為補償粉絲遍地心碎,他首創「搖滾美食節」世界巡迴騷冧歌迷,並以「Band壇教父」身份打救零出路的熱血樂隊。

霆鋒全面回歸香港樂壇,並着手「找數」啟動開個唱模式,但早前卻在容祖兒演唱會上自爆「個唱唔開啦!」當歌迷估他「認真定吹水」時,日前他接受本報獨家專訪,灰爆說:「係真嘅!我有幾何出嚟吹句水就走咗去呀!同紅館入咗兩年紙都被彈(拒批期),唔關我事㗎!(堅嬲?)有㗎!」

入紙兩年彈完又彈

問到何解被拒?他說:「唔好問我,問紅館啦!今年年底個期冇啦,本來紅館都畀咗明年4月個期,不過只得9至10日,我諗住整個好『勁揪』嘅台畀大家,搭台都6、7日啦,咁我開兩場呀?我咪死得囉!諗住等到之前7、8月,依家都冇消息,即係冇啦,係咪好灰心先?」又說前後已簽了三次被拒的文件:「只想講……唔喺佢哋度開囉!」

據知,他亦曾向大球場埋手,可惜同是多次被請食「閉門羹」。據知他心目中的「鋒狂」舞台設計,是想將紅館改頭換面變成巨型太空船,所有樓梯都要裝LED燈,有知情者稱:「霆鋒想入場啲人唔覺紅館係紅館。」可惜太空船空降紅館始終夢碎。

發掘樂隊承傳搖滾

為免「鋒迷」失望,多計的霆鋒首創將搖滾和美食合二為一,將於11月30日及12月1日在澳門舉行兩場「鋒味搖滾美食節」,請得容祖兒、羅力威、許靖韻、JW及樂隊Mr.任嘉賓,還有一眾鋒味廚師及大廚朋友助陣。霆鋒安撫歌迷說:「唔開香港騷,咪嚟睇 我個搖滾美食節,仲好啦,可以容納4、5千人,搞呢個Project, 我當巡唱咁做。」他已計劃完成澳門首站後,明年開始作東南亞巡迴,並會無限期舉行。與此同時,他構思一個內地音樂節目發掘樂隊,最大宏願是承傳搖滾精神:「依家做Band好艱難,想安排內地Band仔加入搖滾美食節團隊,帶佢哋周圍去表演。」

對於這個創舉,霆鋒認為美食已不再是飽肚而是娛樂:「以前啲人會影張靚衫相嚟Show Off,但依家啲人喺食嘢前影嗰張 相仲緊要過食落肚,早、午、晚一日炫耀三次,咁我又諗齋食又唔夠,齋睇又爭啲嘢,齋聽時又有乜嘢可以做呢?所以喺一年前我開始有呢個搖滾美食節構思。」屆時他又唱又煮,現場會播《鋒味》節目,螢幕中的「鋒味菜」在現場提供:「因為好多人話睇到食唔到,依家就係睇到又食到,一邊食一邊聽音樂,雙重享受。」

成年冇聯絡婷婷 睇報紙先知生咗B

霆鋒曾說過美食拉近和家人的距離,自小在外國讀寄宿學校,早已習慣獨來獨往的他,直至愛上入廚後,母親狄波拉成為他的「熟客」而增進母子情。已為人母的妹妹謝婷婷快將返港,問到可會親自下廚請一家人「食好西」慶祝?他竟說:「其實我同佢已經成年冇聯絡、冇傾偈,到時我未必喺香港,又唔知佢幾時返香港。」可知妹妹生B或見過外甥?他擰擰頭說:「完全唔知,我都係睇報紙先知,睇到BB個樣。」可會恭喜妹妹?他笑笑 口說:「祝佢好運,Good Luck啦!」但強調生於非傳統家庭,少 互動不代表兄妹情淡,他霸氣說:「如果佢需要我時,我一定會出現。」

談及其父謝賢和前妻甄珍傳復合,他又笑住說:「係咩?幾多新聞喎!(傳去巴黎結婚添?)黐線!(支持父親再婚?)佢大喇!由佢想點就點啦!」最後問及女友王菲,本是有問必答的他突然Dead Air,堅持低調愛情。

無數次被挑機 鬥名廚「最得人驚」

被網民封為「Chef Le Mon」的謝霆鋒,三年前獲史上首位「米芝蓮之友」榮譽,成名期間遇上無數「挑機者」,他 覺得「最得人驚」的一次挑戰是參加《名廚爭鋒》節目,跟加拿大籍名廚David Rocco進行廚技PK賽。

自認求勝心切的他說:「呢次係我喺呢4、5年嚟,人生中 最大壓力嘅一次挑戰,嗰個係美國電視平台,係代表中國打西方,東方(人)係咪唔輸得先?」覺得至具難度一環是 比賽期間全程被動,買餸、菜式及食材等統統考臨場急才,加上有工作人員隨身及比賽時間長達一個月,令他有疲勞轟炸的辛苦感,壓力大過做演唱會,最終他贏得漂亮一仗,他謙稱:「因為喺澳門、順德、馬尼 拉、怡保及吉隆坡呢啲亞洲地方比賽,令我佔咗少少優勢。」霆鋒想跟David Rocco再鬥多次,或於加拿大、意大利作賽,比試他最強的西餐。

場地:Artyzen Club

髮型:Ricky Kwok

更多新聞,請瀏覽東方日報網頁:

http://orientaldaily.on.cc/

東網網站 : https://on.cc/

東網Facebook專頁 : https://www.facebook.com/onccnews/

查看原始文章