本日日本:北海道知床新登場 流冰浴你玩過未?

on.cc 東網 更新於 02月21日10:00 • 發布於 02月21日10:00 • on.cc 東網
呢張圖好清楚咗咁交待流冰浴嘅玩法,之唔係套上睡袋並坐喺張櫈上睇流冰囉。(互聯網)
呢張圖好清楚咗咁交待流冰浴嘅玩法,之唔係套上睡袋並坐喺張櫈上睇流冰囉。(互聯網)
活動場地基本上係四野無人,你可以好安靜欣賞流冰及遠眺水平線。(互聯網)
活動場地基本上係四野無人,你可以好安靜欣賞流冰及遠眺水平線。(互聯網)
裝備方面一眼睇晒,超厚睡袋、櫈及一塊唔弄濕睡袋嘅木板。(互聯網)
裝備方面一眼睇晒,超厚睡袋、櫈及一塊唔弄濕睡袋嘅木板。(互聯網)
流冰浴約玩30分鐘,完成後會奉上熱飲,唔使驚凍親。(互聯網)
流冰浴約玩30分鐘,完成後會奉上熱飲,唔使驚凍親。(互聯網)

冬日講起日本北海道東北部的知床半島,不得不提「流冰」兩個字吧。每逢2月到3月上旬期間,知床半島宇登呂岸邊有大量流冰接近,造就迷人又壯觀的風景,當地更於2005年7月17日以「位於北半球,並且能夠看見浮冰的最南地區之一」正式登錄為世界自然遺產,認真巴閉!遊客要感受箇中魅力,除咗可以參加漫步流冰活動外,啱啱更有別具一格的新玩法登場——當地的世界自然遺産の宿 しれとこ村つくだ荘、流氷と温泉の宿 海に桂田、shiretoko HOSTEL hanare及秘境知床の宿 地の涯4間宿泊設施,再加上經營知床遊覽船的知床村,剛於本月聯手開設了THE KIMUN-KAMUY活動部門,並推出了名為流冰浴的全新玩樂體驗。

唔好以為係叫你跳落流冰堆內沖涼咁激,其實流冰浴玩法相當靜態,於流冰海岸會為你準備櫈,玩家將自己套入睡袋內,然後坐喺櫈上,讓你眺望眼前的流冰美景及感受四野無人嘅寂靜……唔好踩台住,事關活動嘅精髓係眺望過程有遙控直升機為你拍片打卡,之後再Send去你手機,將呢段自己融入流冰風景嘅型爆片段放上社交平台,肯定呃到Like喇!加上知床嘅流冰畫面一年出現嘅日子非常有限,確係值得慢慢細味。活動日期由即日至3月上旬(直到無流冰為止),每位收費2,500日圓。

網址:https://ryuhyoyoku.com/

東網網站 : https://on.cc/

東網Facebook專頁 : https://www.facebook.com/onccnews/

查看原始文章