本日日本:《悠長假期》5大女神 你記得邊位?

on.cc 東網 更新於 2020年08月06日10:15 • 發布於 2020年08月06日10:15 • on.cc 東網
趁有電視台重播經典日劇《悠長假期》,一於趁機重溫劇中5大女神嘅魅力!(互聯網)
趁有電視台重播經典日劇《悠長假期》,一於趁機重溫劇中5大女神嘅魅力!(互聯網)
於《悠》劇中山口智子(左)跟木村拓哉嘅姊弟戀成了日劇迷美好回憶。(互聯網)
於《悠》劇中山口智子(左)跟木村拓哉嘅姊弟戀成了日劇迷美好回憶。(互聯網)
拍完《悠》劇後,山口智子淡出幕前專心做主婦,要十幾年後才再接拍日劇。(互聯網)
拍完《悠》劇後,山口智子淡出幕前專心做主婦,要十幾年後才再接拍日劇。(互聯網)
《悠》劇中嘅松隆子(左),真係好有大家閨秀氣質。(互聯網)
《悠》劇中嘅松隆子(左),真係好有大家閨秀氣質。(互聯網)
呢個眼神係咪殺死人先?(互聯網)
呢個眼神係咪殺死人先?(互聯網)
戲中嘅廣末涼子(左)成日對木村嘴邈邈。(互聯網)
戲中嘅廣末涼子(左)成日對木村嘴邈邈。(互聯網)
雖然成個男仔頭咁款,但戲中嘅廣末望落確實非常可愛。(互聯網)
雖然成個男仔頭咁款,但戲中嘅廣末望落確實非常可愛。(互聯網)
於戲中飾演傻大姐嘅稻森泉(左),造型多變又演得夠放,正呀。(互網網)
於戲中飾演傻大姐嘅稻森泉(左),造型多變又演得夠放,正呀。(互網網)
大結局一集稻森穿水着登場,標青身材絕對吸睛。(互聯網)
大結局一集稻森穿水着登場,標青身材絕對吸睛。(互聯網)
喺日劇首次特場嘅Ryo,絕對係《悠》嘅一大驚喜。(互聯網)
喺日劇首次特場嘅Ryo,絕對係《悠》嘅一大驚喜。(互聯網)
Ryo係劇中跟竹野內豐(右)係一對。(互聯網)
Ryo係劇中跟竹野內豐(右)係一對。(互聯網)

跟有一定煲日劇年資嘅朋友講經典神劇,於1996年4月喺日本富士台播放嘅《悠長假期》(Long Vacation)絕對係必睇之作,此劇除咗奠定木村拓哉嘅一代男神地位,不得不提仲有5位喺劇中出現嘅女神,當年佢哋嘅氣質美貌,依然長留日劇迷心中,趁呢期有電視台重播,大家絕對要趁機重溫佢哋嘅迷人風采!

樂當主婦 山口智子

作為《悠》劇第一女主角嘅山口智子,在未接拍《悠》劇時本身已經係大紅人,

早喺1988年便成為NHK晨間小說連續劇《小純的加油歌》嘅女主角,該劇平均收視率為38.6%、最高收視更高達44%,可見人氣超勁。之後山口嘅演藝事業一帆風順,於90年代初期已被封為收視女王。但佢於1995年跟人氣男演員唐澤壽明結婚後,便逐漸減少拍劇,希望專心當個家庭主婦,就算翌年《悠》劇紅透半邊天,亦無改變山口嘅諗法,除咗間唔中拍下廣告,演藝事業幾乎完全停頓,直至相隔16年後(2012年)才再度接拍日劇《Going My Home》。而跟木村呢個舊拍檔,要喺2018年嘅《BG~身邊警護人》先再次喺日劇中重聚。

大家閨秀 松隆子

於《悠》中飾演被木村暗戀嘅師妹,當然樣貌要「有番咁上下」先能夠服眾。而當時只得18歲嘅松隆子,便勝任如此難度高嘅角色。劇中松隆子留有長長秀髮,感覺親切有禮,流露出難得嘅大家閨秀氣質。事實上佢出身於歌舞伎世家,其父親及哥哥分別為著名歌舞伎演員松本白鸚(第二代)及松本幸四郎(第十代),而松隆子亦喺16歲初次踏足舞台,在歌舞伎座參演《人情噺文七元結》。不過最令日劇迷津津樂道嘅,莫過於松隆子之後兩度跟木村再結片緣,演出《戀愛世紀》及《律政英雄》,兩套喺日本收視均超過30%,可算係木村嘅最佳螢幕情侶。近年松隆子將重心放喺舞台劇,並唔多拍日劇,對上一套係上年暑假檔嘅《No Side Game》。

青春無敵 廣末涼子

要數《悠》劇女神,不得不提拍攝時只得15歲的廣末涼子。戲中廣末飾演跟木村學鋼琴嘅女生,個性帶有少少傲慢兼任性,雖然只於第2及3集出場,但一頭短髮加上可愛臉龐,確係令人印象難忘。而於95年出道的廣末,火速成為各大廣告商的寵兒,而電視劇集亦拍唔停,當中最巴閉的,莫過於1996年9月一口氣同步推出兩本寫真集《R》及《H》,賣點係冇性感泳衣(最暴露都係露條纖腰咋),純粹Sell廣末嘅青春無敵氣息,結果兩書合共賣出48萬本,足以證明廣末人氣有幾高!而多年來廣末依然活躍於日劇界,絕對係美貌與實力兼備嘅女演員代表。

迷人韻味 稻森泉

要講《悠》劇中最吸引男士目光嘅,莫過於劇中飾演小石川桃子嘅稻森泉,當中有一幕她以泳衣上陣,標青身材令人一見難忘。查實稻森早於1989年便作為模特兒出道,於1994年拍攝日劇《上を向いて歩こう! 》開始備受注目,《悠》劇後人氣再下一城,之後演藝事業亦相當順風順水,1997年拍攝了另一套神劇《Beach Boys》,於1998年跟藤原紀香主演嘅《Happy Mania》也叫人印象深刻。而多年來稻森依然Keep住參與日劇演出,相信就算新一代的日劇迷,也必然見識過佢嘅風采。

型格本色 Ryo

講到型格之選,於劇中飾演冰室留美子嘅Ryo,應該冇得輸。憑着高挑嘅出眾身材,Ryo早於15歲時便被星探發掘成為時裝模特兒,如果你係90年代嘅《Nonon》讀者,應該亦睇過唔少Ryo嘅封面及時裝示範彩頁。而《悠》是Ryo首次參與嘅電視劇拍攝,戲內佢嘅服裝打扮及一雙長腿絕對有模特兒風範。多年來Ryo亦Keep住每年參與2至3齣嘅日劇拍攝,感覺依然有型。

東網網站 : https://on.cc/

東網Facebook專頁 : https://www.facebook.com/onccnews/

查看原始文章