日日喺屋企冇心機洗頭 小心引致脫髮危機

Homita 更新於 02月28日11:54 • 發布於 02月28日11:54 • Suey

最近日日喺屋企,冇街出又唔駛見人,係咪好多人都冇乜動力洗頭呢?咁又係嘅,洗頭對於好多女仔嚟講都真係幾麻煩,尤其係有把長髮嘅朋友。不過大家要注意,太耐唔洗頭都可能會引致脫髮問題!因為我哋嘅頭皮始終會分泌油脂,而且都會有外來嘅污糟嘢依附喺上面,長期唔洗就會好易令毛孔堵塞,然後導致脫髮危機㗎喇。

Extend_the_Time_Between_Wash_Day.jpeg (736×982)

相信好多女仔都對 dry shampoo 唔陌生,因為佢可以即時將「油頭」變得乾爽啲,簡直就係懶人恩物。但用太多 dry shampoo 都係有機會引致脫髮問題㗎,因為 dry shampoo 嘅主要成份係澱粉,澱粉都係會令毛孔堵塞,所以唔好太過依賴使用 dry shampoo喇~

You_Can_Actually_Train_Your_Hair.jpeg (640×728)

有啲人就會日日洗頭,一日唔洗個人都唔舒服,不過洗得太密都唔係件好事啊,雖然唔會導致脫髮問題,但因為每次洗頭都會導致毛鱗片張開,毛鱗片從張開到閉合,點都會造成一啲損耗,所以都係建議頭髮唔易變油嘅朋友唔好洗得咁密。

10_Best_Microfiber_Hair_Towels.jpeg (600×600)

另外小編有啲洗頭小貼士同大家分享,等大家都可以有把健健康康嘅頭髮~

1. 下晝1點到夜晚10點前比較適合洗頭,因為夜晚10點後到凌晨2點係頭皮細胞再生期同活躍期,喺10點前洗就可以促進頭皮細胞再生。

2. 洗完頭之後最好抹返乾啲頭髮,唔好由佢完全自然乾,因為我哋洗完頭嗰陣頭髮嘅毛鱗片係打開嘅,一啲塵埃、細菌、污糟嘢就會乘虛而入,所以洗完最好先抹返乾啲,促進毛鱗片閉合,咁就冇咁傷頭髮。

3. 啱洗完頭嗰陣唔好濕梳頭髮,因為毛鱗片仲係打開緊嘅狀態,呢個時候係咁梳頭,就會造成明顯的毛鱗片受損,頭髮乾晒之後就會變得好乾燥㗎喇。

查看原始文章