新劇谷胸嗲人 江嘉敏現實中都係咁?

on.cc 東網 更新於 08月15日09:29 • 發布於 08月15日09:29 • on.cc 東網
拍劇咁嗲,現實中都係咁?
拍劇咁嗲,現實中都係咁?
有美腿睇!
有美腿睇!
佢話自己現實中比較粗魯!
佢話自己現實中比較粗魯!
男友都想佢嗲啲嘅!
男友都想佢嗲啲嘅!
識做啦!
識做啦!

藝人江嘉敏熱褲上陣,騷腿現身無綫新劇《過街英雄》的宣傳活動,講到她在劇中飾演拜金女谷胸示人,她笑言:「無谷胸,所以冇乜睇頭,對我嚟講真係性感,因為我件衫粒鈕差不多要開到肚臍,劇情講我要模仿一個片段教翠如(黃翠如)去溝仔,教佢點樣去嗲男人,所以我先有咁性感演出。不過呢場戲係我人生中NG得最多嘅一次,因為導演同工作人員都話我似一個男人去扮女人。(嗲人唔係你強項咩?)唔係,我唔嗲人!呢套劇出街,相信我男友最開心,佢會叫我以角色嘅性格去對佢,因為角色性格溫柔啲,無論聲線同肢體動作都似番個女人啲。(你平時打男友?)唔係,粗魯啲啫!唔會嗲佢囉,現實中係見唔到。(如果你對住男友咁樣做,佢會唔想摑你?)我相信佢比較喜歡,我接呢套劇喺屋企讀劇本時有練過對白,有邊個男人唔鍾意女人咁溫柔。」

問到拜金女角色,是否監製為她度身訂造?她說:「監製同編審想我做啲未演過嘅角色,因為之前都係乖乖女角色,幾多謝佢哋畀呢個角色我試,因為係喜劇,我同家人喺劇中都係好賤格,但賤得嚟好可愛唔討人厭,由頭賤到落底,但係開心,因為係喜劇各方面都會浮誇少少。」

另外,日前江嘉敏接受新冠肺炎檢查,她解釋:「我拍完出浴戲就出紅疹,因為呢個係其中一個病徵,我同監製講驗一驗安全啲,期間見過好多家人、同事,為安心起見去驗,係陰性,大家都安心啲就繼續開工。(擔心中招?)都唔太擔心,因為我好勤力洗手同換衫。」

東網網站 : https://on.cc/

東網Facebook專頁 : https://www.facebook.com/onccnews/

查看原始文章