政Whats噏:黃之鋒又唱衰香港 赴美國國會促通過香港人權法

on.cc 東網 更新於 2019年09月17日15:18 • 發布於 2019年09月17日15:18 • on.cc 東網
黃之鋒現身美國國會出席《香港人權與民主法案》聽證會,唱衰香港。(互聯網)
黃之鋒現身美國國會出席《香港人權與民主法案》聽證會,唱衰香港。(互聯網)

香港眾志秘書長黃之鋒呢段期間頻頻唱衰香港,多次呼籲美國干預香港事務,而今日(17日)就現身美國國會出席聽證會,促請美國國會通過《香港人權與民主法案》喎。

黃之鋒發言時重提指,香港正由「一國兩制」變成「一國一點五制」,但今時今日更係危險地接近「一國一制」,認真係危言聳聽喇。佢又把握機會細數呢三個多月嘅事,特別講到七二一白衣人襲擊市民,批評警察遲遲未到場,轉頭又鬧警察濫用暴力,試過單日發射800枚催淚彈,數量遠超5年前違法佔領運動只發放80多枚,而且警方對付示威者嘅武器,好似催淚彈、布袋彈等主要由西方國家購入,擺明施壓唔想西方國家向警察出售武力喇。

對於政府已經正式撤回修例,佢直言今個月初先宣佈已經變得無意義喎,更話示威者希望有結構性改變,咁講係咪想推翻政權呢?

另外,末代港督彭定康今日出席活動時,就再次對香港事務說三道四,大話北京必須要畀香港足夠空間,去同示威者達成合理妥協,而且北京亦都要明確表明仍然恪守中英聯合聲明,重申香港係50年不變喎。

東網網站 : https://on.cc/

東網Facebook專頁 : https://www.facebook.com/onccnews/

查看原始文章