政Whats噏:退會潮出現 吳永嘉退出兩個委員會

on.cc 東網 更新於 2019年10月21日05:35 • 發布於 2019年10月21日05:35 • on.cc 東網
吳永嘉今日去信退出兩個委員會。
吳永嘉今日去信退出兩個委員會。

立法會委員會選舉正副主席大多塵埃落定,往年建制派「冧友」加入多個委員會,選完正副主席之後,就會陸續退出,工業界議員吳永嘉(Jimmy)今日(21日)就去信退出兩個委員會。睇嚟退會潮開始出現嘞!

Jimmy去信房屋事務委員會同交通事務委員會,指自己因公務繁忙而退出。Jimmy回覆查詢時,否認投完票選主席就退會,佢話係因為自己當選工商事務委員會主席後,覺得香港依家經濟咁差,工商界應該好多嘢忙,所以考慮到實際工作情況,難以兼顧咁多委員會,於是決定退出啦。而退出兩個委員會都係啱啱先決定,仲未知會唔會退埋其他委員會。

其實根據過往經驗,好多議員喺委員會選出正副主席後,都會退出委員會,通常都係聲稱自己太忙而退會,唔知下一位又係邊個呢?

東網網站 : https://on.cc/

東網Facebook專頁 : https://www.facebook.com/onccnews/

查看原始文章