放低8年新聞工作!前無綫主播金盈轉型斜槓族

on.cc 東網 更新於 2019年12月12日15:13 • 發布於 2019年12月12日15:13 • on.cc 東網
前無綫新聞主播金盈從事8年新聞工作。
前無綫新聞主播金盈從事8年新聞工作。
今年8月離開無綫,轉型為斜槓族。
今年8月離開無綫,轉型為斜槓族。
以前每日面對凝重工作,依家生活變得悠閒!
以前每日面對凝重工作,依家生活變得悠閒!
金盈開始注重養生,親自下廚唔食街外食物。
金盈開始注重養生,親自下廚唔食街外食物。
男友Jeff成為私家試食員,真係有口福!
男友Jeff成為私家試食員,真係有口福!
其中一款撚手「自制豆腐花」,見到都想食呀!
其中一款撚手「自制豆腐花」,見到都想食呀!

前無綫擔任新聞主播金盈(Liz),入行8年從事新聞工作,8月離開無綫後,便轉型做「斜槓族」(自由工作者),任職誇媒體工作,大家認識她的,可能限於幕前的甜美笑容,但真身其實高挑甜美,私下更是甜品高手,轉型幕前亦大有發圍機會。

8年來面對凝重的新聞工作,Liz其實都試過遇到很多有趣事,她表示一次「驚險」經歷:「一次報道天氣,因為係直播,夾喺我件衫個咪跣落嚟,當時又唔可以執個咪,又唔敢大動作郁,後來等到個畫面轉去世界天氣時,唔使見樣,我咪即刻執咪,仲要將個聲線放大啲,平衡番個聲音,呢種執生技巧,真係好難忘,所以都好想將呢啲應變功夫去同大家分享吓!」

轉變了工作範疇,生活毋疑變得悠閒,開始注重養生,Liz坦言生活節奏沒有以前般忙:「以前返電視台,要輪更,返夜嘅話收工都半夜,試過連續一個月冇真正放假,相對健康亦冇咁好,依家作息正常番,就會慢慢注重養生,閒時我會整吓嘢食,仲會上堂學整麵包、甜品、住家菜,雞、魚都鍾意煮,以前帶返公司嘅飯盒我都會自己整!」

愛做菜的Liz,除住家菜以外,甜品都是其喜好,今次想跟大家分享是「懶人包」甜品,便是自制豆腐花。她稱:「都市人咁忙,買材料去整都唔易,但豆腐花材料係好方便,去藥房買食用石膏粉,加生粉、豆漿就得,好簡單,仲可以用燜燒杯整,冇乜難度,個個都做到!」Liz撚手菜不少,而她的私家試食員,便是他的男友Jeff,大有口福的他嚐盡女友的「製成品」,試後感當然讚不絕口,問留住男友個心,係要先留住男友個胃?她笑說:「哈哈…可能係嘅,但我哋一齊呢個因素未必係主要!(佢讚不絕口?)佢其實對食冇乜要求啫!」

場地:Truffle House(松露屋)

首飾:Les Nereides(Macau)

化妝、髮型:Tiffany Ting

東網網站 : https://on.cc/

東網Facebook專頁 : https://www.facebook.com/onccnews/

查看原始文章