操出肌肉先可以做茶記?楊天宇身兼3職忙爆

on.cc 東網 更新於 2020年08月03日13:03 • 發布於 2020年08月03日13:03 • on.cc 東網
營運一間茶餐廳除咗要食腦之外~
營運一間茶餐廳除咗要食腦之外~
分兩組比賽,邊組賺得多就為之贏。
分兩組比賽,邊組賺得多就為之贏。
體能都唔少得~
體能都唔少得~
Angus要負責水吧沖奶茶~
Angus要負責水吧沖奶茶~
仲要兼送埋餐同砌菠蘿包~
仲要兼送埋餐同砌菠蘿包~
郭奕芯負責煮菠蘿包啲餡。
郭奕芯負責煮菠蘿包啲餡。
Helen要落單兼送餐。
Helen要落單兼送餐。
操大隻啲體能好啲實有着數。
操大隻啲體能好啲實有着數。

ViuTV節目《辣伙頭.開火》第二季上周開播,跳出錄影廠以真人Show形式進行,上一輯的郭奕芯、沈殷怡、余逸思、陳欣妍 (Shirley)及陳海寧繼續有得留低,同時更加入三位新成員,楊天宇(Angus)、黃奕晨及譚凱倫(Helen),八位藝人分開紅、藍兩組,除了考驗成員煮餸才藝,還要測試他們如何經營一間餐廳,以成功獲利為勝出,節目播出後,立即成為網上討論區熱話,而上星期的社交平台Live中,郭奕芯更講到喊!

今晚將播出茶餐廳一集,藍組成員Angus表示因為是第一次擔任隊長,所以有不少壓力,講到他的崗位是負責將「叉燒洋葱芝士菠蘿包」分拆再合成︰「意思係我𠝹開個菠蘿包,Shirley同豬妹(郭奕芯)就負責整菠蘿包入面嘅餡,最後為咗加快速度,佢哋淨係煮菠蘿包嘅餡,我就將啲餡砌埋合併落菠蘿包,跟住出餐。」不過原本負責廚房的Angus最後更要兼任水吧及樓面,身兼三職,只因生意太好︰「其實茶餐廳嗰日一開始已經排晒長龍,忙到爆,Helen其實一路好忙係咁落單,我見佢一路落單,但係仲有好多嘢未送出去,所以我就分身做咗三個人嘅嘢,就係砌菠蘿包、茶水同樓面。其實當時係冇為意過做緊咁多嘢,我當時嘅想法係做到就做,所以嗰個幾個鐘我就keep住沖奶茶、捧餐同埋砌菠蘿包,咁就完成咗個比賽。」

另外,為了應付工作量勁大的餐廳工作,Angus近月來更密密加操︰「拍呢個節目除咗要『腦力』去諗點樣經營餐廳,體力都好重要,雖然平時有操開,但為咗可以應付廚房同樓面嘅工作,呢幾個月都特別加緊操練。」

東網網站 : https://on.cc/

東網Facebook專頁 : https://www.facebook.com/onccnews/

查看原始文章