捱過低潮!陳蕾感激蔣雅文:佢係隱形嘅家姐

on.cc 東網 更新於 2019年12月09日07:05 • 發布於 2019年12月09日07:05 • on.cc 東網
陳蕾(右圖)感激蔣雅文喺佢最無助、最唔開心嘅時候畀咗好多意見。
陳蕾(右圖)感激蔣雅文喺佢最無助、最唔開心嘅時候畀咗好多意見。
陳蕾接受許文軒訪問。
陳蕾接受許文軒訪問。

歌手陳蕾接受TVB娛樂新聞台節目《StarTalk》主播許文軒(Edmond)訪問,講到簽約新公司並推出新歌《熒光》及來港追夢感受,陳蕾說:「之前簽過日本大型經理人公司,就係因為怕有束縛所以解約做獨立歌手,依家再簽大型唱片公司,之前都有少少陰影,好怕冇咗自己,好好彩公司好信任我,放手畀我造自己喜歡嘅音樂。」

曾不安徬徨灰心

由廣州來香港參加歌唱比賽至今十年,問到可有試過放棄造音樂的念頭?陳蕾說:「離開日本公司之後,想喺香港獨立發展,申請香港嘅工作證申請咗好耐,一直都唔批,我喺廣州非常不安、徬徨同灰心,覺得自己有好多作品,但係連張「入場券」都冇,屋企人同朋友都叫我放棄,我喊到收唔到聲,但係我真係好鍾意音樂,喊完第二日我決定要積極寫歌,唔可以再頹廢落去,當自己相信時真係批咗個工作證畀我。」

現與鄧小巧同居

陳蕾特別感激蔣雅文與鄧小巧陪伴左右:「蔣雅文係我一個隱形嘅家姐,佢嘅說話真係令我終身受用,因為佢係過來人,喺我最無助、最唔開心嘅時候畀咗好多意見。我依家同鄧小巧一齊住,佢處事冷靜,EQ又高,佢願意花時間同我分享心事,有咩開心唔開心我哋都會講,我哋從來冇嗌交,住埋一齊之後關係更加好。」

東網網站 : https://on.cc/

東網Facebook專頁 : https://www.facebook.com/onccnews/

查看原始文章