打傷頸死撐 陳曉華處女開工唔錫身

on.cc 東網 更新於 2019年12月06日00:35 • 發布於 2019年12月06日00:35 • on.cc 東網
陳曉華護士出身踏上演藝路~
陳曉華護士出身踏上演藝路~
「白紙」狀態拍劇實多錯誤發生~
「白紙」狀態拍劇實多錯誤發生~
開頭陳曉華以為背熟劇本就掂晒~
開頭陳曉華以為背熟劇本就掂晒~
落到場先知唔係咁簡單~
落到場先知唔係咁簡單~
事前要準備好多功夫去理解角色~
事前要準備好多功夫去理解角色~
好彩一班前包容之餘,亦好肯教佢嘢。
好彩一班前包容之餘,亦好肯教佢嘢。
楊明就係其中之一~
楊明就係其中之一~
除咗教佢去理解角色之外~
除咗教佢去理解角色之外~
仲教陳曉華做新人最緊要係演得自然。
仲教陳曉華做新人最緊要係演得自然。
《網絡騙案》中有唔少打戲~
《網絡騙案》中有唔少打戲~
陳曉華唔識就力整傷條頸~
陳曉華唔識就力整傷條頸~
雖然係咁陳曉華都冇驚繼續堅持親身上陣。
雖然係咁陳曉華都冇驚繼續堅持親身上陣。

作為前港姐冠軍兼國際中華小姐冠軍的陳曉華,入行短短一年備受力捧,成為無綫新一代小花。早前她處女下海拍攝無綫劇集《網絡騙案》,當中打戲連場,身為「白紙」一張的她毫不錫身,即使打到chok親頸仍堅持親身上陣,決要為演藝事業打響頭炮。

24歲的陳曉華由白衣天使搖身成為香港小姐,原來初衷只為改變內斂性格和接觸更多不同的人,故勇敢踏出一步參選港姐。曉華從小到大的願望都是成為一位出色的護士,惟畢業時想法有所改變:「一直好鍾意護理系,就算實習時都好投入呢份工作,但到畢業時,識咗好多新朋友,亦喺佢哋身上改變咗好多諗法,想改變自己內向性格,所以就去咗參選港姐,因為知道可以逼自己嘗試新嘢,亦希望喺呢個過程搵到新挑戰。」

入劇組大挑戰

昔日細膽和欠自信,如今卻要面對鏡頭,難怪她指入行這年性格變得外向,就連其父母也笑她「脫胎換骨」。早前曉華獻出「第一次」拍劇,佔戲甚重,亦不乏動作戲,作為新手的她曾一度受傷,惟她仍堅持繼續拍攝:「自己唔識就力,chok親條頸,幾日都硬咗郁唔到,最初嗰幾日係好痛,但之後見冇咁痛就繼續拍,依家諗番起都覺得自己唔識驚。」

白紙一張初入劇組,無疑是一大挑戰,曉華說:「以為做嘅事前工夫已經足夠,原來去到實戰完全不足。初頭好緊張,有時候一讀錯就會不停錯,令自己更加緊張,好彩劇中有好多前輩,佢哋體諒我呢個新人,又會教我點樣準備,唔係讀熟劇本就夠,仲要理解成個故事內容。」當中她大讚劇中拍檔楊明,視他為亦師亦友:「有一日等埋位,我問佢要點樣先令到個角色突出啲,佢同我講要準備好多嘢,同埋佢覺得依家我呢個階段係要以自然為主,睇熟劇本同留意多啲唔同劇,仲話有咩唔明可隨時問佢,嗰一刻好感動。」

由參賽到入行被觀眾稱她為氣質女神,感情事備受關注,她亦直言入行前有結婚的憧憬:「以前有諗過27或28歲結婚,入咗行後發覺好多嘢都想試,唔想咁快拍拖住,同埋拍劇真係好忙同需要花好多時間,想專心發展事業先。」

場地:天慶

東網網站 : https://on.cc/

東網Facebook專頁 : https://www.facebook.com/onccnews/

查看原始文章