恐怖過老鼠!蕊蕊住曱甴屋 黃祥興與一米蛇擦身而過

on.cc 東網 更新於 08月06日13:00 • 發布於 08月06日13:00 • on.cc 東網
真係嚇餐死!
真係嚇餐死!
陳煒索到惹狂「蜂」浪蝶!
陳煒索到惹狂「蜂」浪蝶!
朱敏瀚被巨型螞蟻咬。
朱敏瀚被巨型螞蟻咬。
蕊蕊發現廳有十幾隻曱甴,何其壯觀!
蕊蕊發現廳有十幾隻曱甴,何其壯觀!
黃祥興同一米蛇擦身而過!
黃祥興同一米蛇擦身而過!

近日多個街市鼠患猖獗,檔販仲形容老鼠「大隻過手掌」!一班藝人都曾經在屋企或拍攝場地,遇到一些「小動物」,好多都相當驚嚇,有「曱甴群組」、「巨無霸螞蟻」等,真係齋聽都毛管戙!

蕊蕊:「上一間屋搬入去嗰陣,其實都見到有曱甴仔,有時夜晚去廚房斟水,都會見到有一兩隻曱甴仔,但打極都唔死!去到後尾搬屋,要返去執嘢,可能冇貓捉曱甴,結果一打開門有十幾隻曱甴喺個廳,我驚到即刻閂門,落街買滅曱甴噴霧返去焗間屋,最後曱甴死晒。」

朱敏瀚表示:「最近去南生圍拍外景,一到夜晚就有好多好大隻嘅螞蟻出現,試過有次要瞓喺地下拍嘢,都不停畀蟻咬,咬嗰吓真係幾痛,好彩之後冇乜紅腫。」

黃祥興:「試過喺外景拍嘢,見到條一米長嘅蛇喺身邊經過,當時都嚇一嚇。不過,拍嘢都好難避免蛇蟲鼠蟻,惟有盡量離開啲草叢,如果揸到車,就可以喺車上面等。」

陳煒:「蛇蟲鼠蟻,我哋開外景經常都見好多小動物,早幾日拍行山景,我哋啲頭髮噴左髮膠,好多蜜蜂都會飛埋嚟,如果趕佢哋驚,仲會針我哋添,保持唔郁囉!至於老鼠、曱甴,之前喺果欄拍嘢都見好多,佢哋周圍走㗎,我哋咪離遠啲,唔好離開人群,唔惹佢哋,都唔會襲擊我哋嘅!」

東網網站 : https://on.cc/

東網Facebook專頁 : https://www.facebook.com/onccnews/

查看原始文章