怕人老珠黃!Heidi隨時秘婚開三大擇偶條件

on.cc 東網 更新於 2019年12月14日15:02 • 發布於 2019年12月14日15:02 • on.cc 東網
Heidi話要求好簡單咋!
Heidi話要求好簡單咋!
就係專一、錫佢、有一米八高!
就係專一、錫佢、有一米八高!
而Jessica話會介紹台灣男仔畀佢識,可以認識吓咁話!
而Jessica話會介紹台灣男仔畀佢識,可以認識吓咁話!
Heidi單飛出歌,佢話依家唔試就冇機會再試!
Heidi單飛出歌,佢話依家唔試就冇機會再試!
而佢嘅時裝王國愈搞愈大,推出新系列!
而佢嘅時裝王國愈搞愈大,推出新系列!
身兼多職嘅佢,坦言壓力大,所以想學畫油畫調劑心靈!
身兼多職嘅佢,坦言壓力大,所以想學畫油畫調劑心靈!

組合Super Girls成員李靜儀(Heidi)是隊中第三個單飛出Solo歌,講到好與壞,她說︰「好嘅係一個人排舞會快好多,但乜都得自己就好唔慣,以前可以互相依賴、分擔,依家要一個承受晒。不過,諗到如果依家唔試就冇機會再試,到我人老珠黃都冇可能再扮靚靚出嚟跳舞啦!」

自認工作狂

新歌《Be True》反應不俗,令Heidi十分開心,加上去年榮升老闆娘搞時裝生意,身兼歌手、演員、老闆幾職,坦言分身不暇,自己又性急,無形間添加壓力︰「今年品牌搞得大型少少,不停要開會,又要拍劇,我係個工作狂最怕悶,想嘗試好多嘢,之後仲想學油畫調劑心靈。」

身高要有1米80

SG眨眼成軍7年,隊員Jessica(蔡明思)剛加入人妻行列,Heidi卻不心急︰「如果結婚,我可能會結完先宣布。(閃婚?)咁又唔會,但未必會咁高調,依家都未有伴。(要求好高?)好簡單咋,只要專一、錫我、身高有1米80就得,Jessica話會介紹台灣男仔畀我識,佢老公喺香港都有朋友,可以認識吓。」

至於自家時裝品牌創立一年,當初跟拍檔每人投資6位數字,今年再「加碼」發大來做︰「今次加入新元素,都係休閒服為主。(有賺?)拍檔話第一年做冇蝕錢已經好叻,同埋冇諗住賺大錢,純粹為興趣去試。」

場地:軒琴居

東網網站 : https://on.cc/

東網Facebook專頁 : https://www.facebook.com/onccnews/

查看原始文章