姚子羚為情消瘦?陳山聰戥辛苦:佢好硬淨

on.cc 東網 更新於 2019年11月12日10:37 • 發布於 2019年11月12日10:37 • on.cc 東網
陳山聰都覺得姚子羚瘦咗!
陳山聰都覺得姚子羚瘦咗!
但覺得唔係為情消瘦,只佢食得少!
但覺得唔係為情消瘦,只佢食得少!
講到度蜜月,佢話要出年年中先去,揀選咗意大利一個小島!
講到度蜜月,佢話要出年年中先去,揀選咗意大利一個小島!
陳山聰
陳山聰

剛「升呢」為人夫的陳山聰今日到電台受訪,他自爆新婚一個星期後只得一晚跟太太撐枱腳,又未覺多了人夫新身份:「結完婚都係抖得一日,就要開工趕拍《大步走》,應該會月尾拍完。(太太冇詐型?)冇,佢都明白,我之前放假就係為咗結婚,拍完劇就會四出登台,12月會同李施嬅、馬德鐘、陳煒飛美國。(太太都會跟埋去?)唔會啦,行程都好趕,我哋去得5日。」笑言多得神劇《金宵大廈》帶挈有不少Job找上門,覺得好感恩。

半年後先度蜜月

工作排山倒海的山聰,指Honeymoon要延期至明年年中,揀選了意大利的一個小島:「呢個地方我哋都未去過。(但咁遲先度蜜月?)因為有朋友話呢個地方喺冬天冇咩嘢睇,所以就留到夏天先去,趁呢段時間努力做嘢。」

姚子羚食得少

提到有報道指姚子羚因失戀兼工作量大增而變「紙板人」,身為《大》拍檔的山聰坦承對方瘦了很多,但並不是為情消瘦:「拍《唐人街》嗰陣佢都已經瘦,佢唔係唔食嘢,但佢係食得少,加上佢又食素,我都已經成日叫佢食嘢,拍《大》又真係幾辛苦,佢係跑得最多,同時又唔覺佢唔開心,一直都覺得佢好硬淨,希望拍完佢可以好好保養身體,有時太太煲湯畀我,都會煲埋畀佢飲。」

唔想影響超雲

另外,有報道指舊愛何超雲爆出新戀情,山聰聞言表示:「冇留意到,任何人有喜事都值得恭喜。(會Send訊息恭喜對方?)唔好影響其他人啦!我都結咗婚啦!(你結婚佢有送上祝福?)唔回應啦!」

---------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你

東網網站 : https://on.cc/

東網Facebook專頁 : https://www.facebook.com/onccnews/

查看原始文章