囡囡3個8好意頭 羅力威買呢樣嘢獎勵雨僑

on.cc 東網 更新於 08月08日11:12 • 發布於 08月08日11:12 • on.cc 東網
羅力威都諗得好周到~
羅力威都諗得好周到~
買架車出入都會方便同安全啲。
買架車出入都會方便同安全啲。

羅力威榮升爸爸,他表示B女出世好意頭:「8月8日早上8時,三條8易記。」而太太雨僑即表示:「朝早8點開刀生,不過都真係咁啱,我哋冇特別揀,係醫生呢日得閒就揀咗呢日。」

問到羅力威有否剪臍帶?他表示沒有,因為他全程看着雨僑,看到囡囡第一眼時,他說很感動,但沒有喊:「當然真係好感動,但同時都好緊張,亦都要陪住太太,因為就算麻醉都會驚,驚佢會驚。」問到囡囡似自己還是雨僑?羅力威說雖然雨僑認為囡囡比較似他,但他笑說暫時兩個都唔似:「一開頭睇超聲波片我覺得係似我哋,但出咗嚟之後又唔算特別似,兩個都唔特別似,哈哈。」

至於如何獎勵老婆,他說暫時最重要是讓雨僑身體復原:「我會好好咁照顧佢等佢復原,總之唔好為佢添任何嘅辛苦啦,等佢最輕鬆,等佢快啲好番,同佢可以食番多啲好嘢。」雖說沒有特別獎勵太太,但他透露特意為太太及囡囡買了車:「因為疫情關係,帽同口罩都冇適合BB嘅size,BB又唔可以遮塊面。始終依家嘅交通工具我哋都唔係超級放心,加上為咗方便老婆同BB,買咗架車就會安全啲、安心啲。」果然是廿四孝老公兼爸爸。

而羅力威的師姐容祖兒送上祝福:「希望佢哋兩個畀心機、慢慢一步步學習做父母,希望囡囡大過後可以好似佢爸爸咁有創作天分,亦都好似媽媽咁靚。」

東網網站 : https://on.cc/

東網Facebook專頁 : https://www.facebook.com/onccnews/

查看原始文章