同胡鴻鈞撞樣點算 咁邊個先至係陳柏宇?

on.cc 東網 更新於 2020年08月04日13:51 • 發布於 2020年08月04日13:51 • on.cc 東網
陳柏宇(中)同胡鴻鈞撞樣撞到嘭嘭聲,仲有一個係李宇春(左)嚟㗎。
陳柏宇(中)同胡鴻鈞撞樣撞到嘭嘭聲,仲有一個係李宇春(左)嚟㗎。
陳柏宇胡鴻鈞撞樣笑話多籮籮!
陳柏宇胡鴻鈞撞樣笑話多籮籮!
陳柏宇成功擺脫撞樣喇!
陳柏宇成功擺脫撞樣喇!
宋芝齡(左)、宋熙年唔會糾正別人認錯人,避免尷尬事情不停發生。
宋芝齡(左)、宋熙年唔會糾正別人認錯人,避免尷尬事情不停發生。
吳沚默(左)與賴慰玲互相接數對方朋友的祝福,咁樣更開心。
吳沚默(左)與賴慰玲互相接數對方朋友的祝福,咁樣更開心。
蔣祖曼(左)愛冒認廖子妤,覺得好好玩。
蔣祖曼(左)愛冒認廖子妤,覺得好好玩。

樂壇校長譚詠麟日前將孖女衛詩認錯做衛蘭,笑料百出,問番圈中藝人有冇遇過認錯人又或者被人認錯嘅尷尬場面。歌手陳柏宇就兩樣都有,真係爆笑!至於宋芝齡同吳沚默就選擇畀人認錯嘅話,都唔會點澄清,免除嗰一刻嘅尷尬!

試過認錯人,亦被人認錯過的陳柏宇談及經過:「我以前住西環嘅時候,有次我喺架車入面見到路邊個人,我以為佢係我個朋友嘅男朋友,同佢吹咗水,吹完問佢係咪返屋企,佢話係呀,我話你屋企唔係喺嗰邊,佢話喺另一邊,我先知嗰個人唔係我諗緊嗰個人,但我最終冇find out(找出)佢到底係邊個,唔知識唔識佢添!」

另一次,陳柏宇喺一間貓cafe度,有幾個十幾廿歲嘅𡃁妹仔一齊逗貓,跟住妹妹仔們問柏宇:「你係咪《降魔的》,我話我唔係,我話《降魔的》嗰個係胡鴻鈞,我係陳柏宇,佢哋仲話陳柏宇?邊個係陳柏宇。」

至於宋芝齡就有咁嘅趣事:「好多人叫我咗我做宋熙年,宋熙年都有同我講有人叫錯佢做宋芝齡,(畀人認錯會唔會好尷尬?)都唔會,試過我喺街度,同朋友傾得好開心,有時會大聲笑咗出嚟,引起一啲人注意,有人會講,『咦?宋熙年呀!』我會直接答:『係呀,哈哈!』亦曾經有人話,你咪係主持《都市閒情》嘅宋熙年?我都會直認,唔會特登糾正,有啲同事聽到仲會搭訕,『係呀,結咗婚,生咗一個添!』哈哈!冇乜所謂!」

身為無綫電視經理人合約藝員和編劇吳沚默就同賴慰玲撞樣:「好多人都話我同賴慰玲撞樣,好多人認錯我係賴慰玲,我起初會澄清番,但後期都冇喇,佢有咗嗰陣,仲有人恭喜我,我照幫佢接收晒,然後講番畀佢聽,佢都話我出劇嗰陣都有人誤會咗佢喺我。」

曾參與多部香港獨立電影拍攝的蔣祖曼就被誤認是廖子妤:「我唔止一次畀人認錯做廖子妤,有次喺尖沙咀,我見有班電單車發燒友,有個叔叔揸住架車勁靚,我咪行埋去同佢傾偈,傾完陣電單車經之後,佢話有睇我同張敬軒個MV,我都有啲唔好意思。不過我每次都會冒認,如果佢叫我簽名合照都照簽Fish,好好玩!」

東網網站 : https://on.cc/

東網Facebook專頁 : https://www.facebook.com/onccnews/

查看原始文章