入隔離營24日仲未走得!施匡翹親述原因

on.cc 東網 更新於 08月11日07:14 • 發布於 08月11日07:14 • on.cc 東網
麥德羅同劉麗萍都康復出院,點解施匡翹仲未出得返嚟?
麥德羅同劉麗萍都康復出院,點解施匡翹仲未出得返嚟?
加油呀!
加油呀!
好快就可以返屋企!
好快就可以返屋企!

歌手施匡翹(Zaina)自7月18日確診新冠肺炎後,一直沒有肺炎病症的她,在醫院逗留了一段日子,7月底就被送到鯉魚門隔離營。但與她密切接觸的確診者,包括歌手麥德羅及其經理人劉麗萍都已康服出院及早就離開隔離營,但Zaina至今仍在隔離營。

今日Zaina回覆東網詳盡解釋狀況,她表示感覺OK,由入院到依家都沒有特別辛苦、不舒服,就好像一個正常人,她知道很多人關心她!見她已很久沒消息,為何還要留在隔離營?原來是有不同原因!

醫生唔建議食藥打針

她說:「隔離營同醫院有少少分別,呢度每一日都要驗我深喉唾液,去睇病毒個數量,佢要求連續兩次都要negative,醫生先至再考慮其他因素畀唔畀你離開,其實到目前為止我已經係試過有一次negative,但並唔係連續兩次,變咗仲未可以離開,醫生同我講,我病毒量都係接近冇,但係有時需要啲時間再等佢更加穩定,都係好事嚟,咁樣放病人離開更加安全!點解我比其他人留得更長時間,其實有少少原因,因為一直冇食任何西藥或者打針治療,醫生都建議我唔好咁做,因為我年紀比較輕,又冇任何唔舒服,寧願等自己慢慢好番,會對日後健康更加理想,我都覺得聽從醫生意見,我都認同嘅。」

聽日會去抽血

身在隔離營的她,每日都要檢查血壓、有沒有發燒,而其他朋友比她較快離開,可能他們有治療過食過藥,所以康服程度快過她,但醫生指她是正常,她說:「因為有好多跟我同年紀年青人,都係冇食藥靠自己免疫力康復,可能大概要28日先得,到今日我好似係24日左右,其實我啲病毒量差唔多冇晒,再穩定先畀我離開。另外亦有另一個方法,如果抽血驗到有抗體都可以離開,但鯉魚門隔離營呢度同醫院有啲分別,呢度抽血設備唔夠,每日抽血驗嘅額有限,佢哋每日揀選某啲人做呢樣嘢,我就聽日被揀選咗去抽血,如果第二日驗到有抗體我就可以離開,冇嘅就繼續驗番深喉唾液,連續兩次都冇嘢先可以走。」

她知道很多朋友關心她,希望大家不用擔心,身體狀況良好,只是在隔離營困得太耐,心情在這段期間有少少起伏,靠睇書及樂觀的態度面對,深信很快就康服出來。

星期四復工

工作方面,以前每星期四她會為新城主持一個節目《猜情尋》,跟拍檔謝高晉、Tony一齊主持,她宣布今個星期四終於復工,她說:「電台可以靠聲音就分享到我嘅心路歷程,我之前準備咗,喺隔離營已經錄定音,將好多人想知嘅問題,我已經錄好番交畀主持人播放。」

東網網站 : https://on.cc/

東網Facebook專頁 : https://www.facebook.com/onccnews/

查看原始文章