【頭條獨家】爆黃子華講大話 C君周家怡認自動減薪

星島日報 更新於 01月28日14:36 • 發布於 01月28日12:47
C君和周家怡之前未合作,今次一見如故,C君形容家怡是「被演戲耽誤了的主持人」,仲話好想約埋一齊主持節目。
剛做人夫的C君,鼠年願望唔係想生B,「希望子華神嘅《乜代宗師》收得,佢回唔到層樓回返啲地板都好呀!」
簽了英皇電影的家怡,希望鼠年可以拍多啲電影,嘗試更多不同角色。
戲中家怡演子華老婆,仲有個囝囝,表面上一家好幸福。
跟心悠學西洋拳的C君,仲會同細細粒有對手戲。
C君除了任電影配樂,仲跟子華和陸永合唱主題曲《上善若水》。
今年首度派利是的C君,跟太太黃天頤已準備了5位數字封利是。

C君和周家怡都有份參與黃子華炮製的賀歲片《乜代宗師》,強調只屬客串身份的C君除了演劉心悠徒弟外,還首度出任電影配樂;而首度跟子華合作的家怡則演子華老婆,她直言勁唔夠喉。講到子華賣樓開戲,兩人都大讚對方為電影的付出,C君更忍唔住大爆子華講大話,因對方完全冇剝削他們薪酬,反而是他們自動獻身配合。
撰文:杜淑霞 攝影:李維隆
髮型:Vincent Yeung M Plus Salon(家怡)、Renton Hungr />化妝:Herman Wong(家怡)、Manyee Lau(C君)
服裝:Atsuro Tayama(家怡)
場地:K11 Art HouseC君雖然演西洋拳高手心悠的徒弟,但擺明完全唔識打,「我只可以客串,因為打3拳已經穿煲啦!」而家怡講完自己演子華老婆後笑言:「自己講完都打個冷震!角色係一個好唔周家怡,好自我中心,子華有講到個角色唔係乞人憎,但係好難拿捏。」C君即向她大派定心丸,「你做到好得意,有可愛嘅效果。」講到初次做配樂,C君自爆事前要接受子華考核,「好前期佢講咗某啲場口想有隻咩音樂,做到呢幾隻啱心水咪可以合作,不過亦證明佢前期嘅前期已經諗緊後期,佢自己又要演,你話佢每日要諗幾多嘢。」
迫不得已
提到子華今次為這部電影賣埋樓,家怡話好仰慕,「佢愛電影愛到咁樣,要去到賣埋層樓,同埋佢唔係想講呢件事出嚟,係迫不得已先咁做。」問到兩人事前知唔知賣樓一事,家怡說:「佢有講佢投資,我當日係同公司講,呢套戲係子華自己畀錢嘅,我好想拍,佢開咩價錢都OK。」C君更加忍唔住要玩踢爆,「佢只係話佢自己畀錢拍,但係佢賣咗樓可唔可收平啲,佢冇咁講,冇講下一句,所以佢段YouTube片係講大話,講到自己剝削啲台前幕後,所以唔係佢剝削我哋,係我哋自己配合佢。」